ការបោះឆ្នោតជាទូទៅនៅថ្ងៃអាទិត្យ ១១មេសានេះជាលើកទី ១ចាប់ពី ២៤ឆ្នាំមកហើយ
ជាលើកទីមួយ ចាប់ពី២៤ឆ្នាំហើយ ជនជាតិស៊ូដង់ដែលមានសិទ្ធិបោះឆ្នោតចំនួន ១៦លាននាក់ ក្នុងអំឡុងពេលបីថ្ងៃ ចាប់ពីថ្ងៃអាទិត្យទី ១១ មេសា រហូតដល់ថ្ងៃអង្គារ១៣មេសា ត្រូវបោះឆ្នោត ជាទូទៅ គឺជ្រើសរើសប្រធានាធិបតីផង សមាជិកសភាផង និងទីប្រឹក្សាតំបន់ផង។ ការបោះឆ្នោតជាទូទៅពហុបក្សមែន ប៉ុន្តែត្រូវបង្ខូចដោយការដកថយរបស់គណបក្សធំៗ និងជាលទ្ធផលគឺលោកប្រធានាធិបតី Omar Hassan el-Béchir ដែលត្រូវតុលាការអន្តរជាតិចោទពីបទឧក្រិដ្ឋកម្មសង្គ្រាមនៅតំបន់ ដាហ្វួ សង្ឃឹមថានឹងពង្រឹងអំណាចខ្លួនថែមទៀត។
ចុះផ្សាយនៅថ្ងៃ៖
មានបេក្ខជនប្រធានាធិបតីចំនួនតែ៧ឬ៨នាក់ប៉ុណ្ណោះដែលនៅមានឈ្មោះ ក្នុងបញ្ជីប្រកួតប្រជែងគ្នា នៅថ្ងៃអាទិត្យ១១មេសានេះ។រីឯក្នុងចំណោមបេក្ខជនឯករាជ្យ ពុំទាន់មានចំនួនជាក់លាក់ទេ ដ្បិតអ្នកខ្លះពុំទាន់បានបញ្ជាក់អះអាងអំពីការចូលរួមរបស់ខ្លួននៅ ឡើយ។
ក៏ប៉ុន្តែ បេក្ខជនសំខាន់បីបានប្រកាសដកខ្លួនថយជាផ្លូវការគឺលោកYasser Armanជាបេក្ខជននៃគណបក្សតំបន់ខាងត្បូងជាចលនាប្រជាជន ដើម្បីរំដោះស៊ូដង់ដែលបានប្រកាសមុនគេអំពីពហិការរបស់គណបក្សខ្លួន មិនចូលរួមក្នុងការបោះឆ្នោតជ្រើសរើសប្រធានាធិបតី។បន្ទាប់មក ក៏មានទាំងគណបក្សជំទាស់ជាច្រើនបានដើរតាមគាត់ មានជាអាទិ៍ គណបក្សកុម្មុយនិស្តនិងជាពិសេស គណបក្សUmmaដែលមេដឹកនាំគឺលោកអតីតនាយករដ្ឋមន្ត្រីSadek al-Mahdiក៏បានដកខ្លួនថយដែរ។
នៅថ្ងៃអាទិត្យនេះ គណបក្សជំទាស់ធំមួយទៀតនៃតំបន់ខាងជើងគឺគណបក្សសហភាពនិយម ប្រជាធិបតេយ្យ Hatim al-Sirត្រូវប្រឈមមុខទល់នឺងមនុស្សកំណាចនៃគណបក្សសមាជជាតិ ដោយពុំភ្លេចគណបក្សរបស់ជនអ៊ីស្លាមនិយមជ្រុលដ៏ល្បីឈ្មោះHassan al-Tourabiដែលបានជួយជ្រោមជ្រែងបច្ចុប្បន្នប្រធានាធិបតីឱ្យកាន់មុខ តំណែងសព្វថ្ងៃនេះ មុននឹងខ្លួនឯងផ្ទាល់ត្រូវបានគេធ្វើឱ្យខ្ទាត។
ក្រយាតំណាំង នៃការបោះឆ្នោតនេះគ្មានអ្វីគួរឱ្យចាប់អារម្មណ៍ខ្លាំងទេ ប្រសិនបើក្រៅពីចង់ដឹងចំនួនអ្នកទៅបោះឆ្នោត នៅលើកនេះ ហើយតើលោកប្រធានាធិបតីOmar el-Béchir នឹងឈ្នះឆ្នោតដោយសំឡេងឆ្នោតចំនួនប៉ុន្មានភាគរយ។គេក៏ចង់ដឹងដែរ ចំនួនសំឡេងឆ្នោតគិតជាភាគរយរបស់បេក្ខនារី Fatima Abdelmahmoudនៃសហភាពសង្គមនិយមស៊ូដង់ជាអតីតគណបក្សរបស់លោក ប្រធានាធិបតីJaafar al-Nimeyri ស្លាប់នៅខែឩសភាឆ្នាំ២០០៩។គឺជាស្ត្រីតែម្នាក់គត់ដែលឈរឈ្មោះជា បេក្ខនារីប្រធានាធិបតីនិងជាស្ត្រីទី២ នៅក្នុងប្រវត្តិសាស្ត្រនៃពិភពអារ៉ាប។
ក្នុងចំណោមពលរដ្ឋស៊ូដង់ ដែលត្រូវគេរង់ចាំនៅការិយាល័យបោះឆ្នោត នៅថ្ងៃអាទិត្យនេះ មានអ្នកខ្លះបានរៀបចំខ្លួន តាំងពីយូរមកហើយសំរាប់ថ្ងៃអាទិត្យនេះ។ក្នុងចំណោមអ្នកទាំងនេះ ក៏មានទាំងពួកអ្នកសង្កេតការណ៍ដែលខកចិត្តនឹងការបោះឆ្នោតដែលពុំ ប្រព្រឹត្តទៅ ដោយសេរីនិងយុត្តិធម៌ដូចដែលបានគ្រោងទុកនោះឡើយ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ