ប្រទេសអាហ្វ្រិក សុំ១០០ពាន់លានដុល្លារ ពីធនាគារពិភពលោក ដើម្បីស្តារសេដ្ឋកិច្ចក្រោយវិបត្តិកូវីដ
ប្រមុខរដ្ឋនិងប្រមុខរដ្ឋាភិបាលប្រទេសអាហ្វ្រិក បានស្នើសុំកញ្ចប់ថវិកាជំនួយ ប្រមាណ១០០ពាន់ដុល្លារ ពីធនាគារពិភពលោក ដើម្បីស្តារសេដ្ឋកិច្ចនិងដោះស្រាយវិបត្តិកូវីដ១៩។ បញ្ហាកូវីដនៅអាហ្វ្រិក គឺ មន្ត្រីជាន់ខ្ពស់តំណាងធនាគារពិភពលោក បញ្ជាក់ថា ប្រជាជនអាហ្វ្រិក មានចំនួនតិចណាស់ដែលបានទទួលថ្នាំបង្ការប្រឆាំងកូវីដ។ មូលហេតុដែលការចាក់វ៉ាក់សាំងបានតិច គឺដោយសារខ្វះថវិកា។
ចុះផ្សាយនៅថ្ងៃ៖
ស្តាប់ - ០២:០៤
ការទាមទារសុំជំនួយ ពីសំណាក់បណ្តាថ្នាក់ដឹកនាំប្រទេសអាហ្វ្រិកនេះ គឺធ្វើឡើងក្នុងសន្និសីទកំពូលមួយ ដែលគេហៅថា សមាគមអន្តរជាតិដើម្បីអភិវឌ្ឍន៍ ឬយ៉ាងឲ្យខ្លីថា IDA លើកទី២០។ ជំនួបនេះ ធ្វើឡើងនៅប្រទេស កូដឌីវ័រ ដែល មានប្រធានាធិបតី នាយករដ្ឋមន្ត្រី យ៉ាងហោច១៥ប្រទេស ដូចជា Sénégal, Niger, Madagascar, Rwanda ដែលទៅចូលរួមដោយផ្ទាល់ ហើយប្រទេសផ្សេងទៀត ចូលរួមប្រជុំតាមអន្តរបណ្តាញ។
កញ្ចប់ថវិកា ប្រមាណ ១០០ពាន់លានដុល្លារ ដែលប្រទេសអាហ្វ្រិកស្នើសុំនេះ គឺត្រូវមានរយៈពេល៣ឆ្នាំ និងចាប់អនុវត្តពីខែធ្នូឆ្នាំនេះតែម្តង។ លុយនោះ ត្រូវឋិតនៅក្នុងលក្ខខណ្ឌ ជាអំណោយ ជំនួយឥតសំណងខ្លះ និងជាកម្ចីខ្លះ។ ចំពោះប្រទេសក្រីក្រនិងកំពុងអភិវឌ្ឍដែលមានប្រាក់ចំណូលទាប គួរតែឲ្យខ្ចីដោយមិនយកថ្លៃការប្រាក់។ នេះជាបើតាមសេចក្តីប្រកាសដែលក្រុមប្រទេសអាហ្វ្រិកទាំងនោះ ឲ្យឈ្មោះថា « déclaration d’Abidjan » របស់ IDA លើកទី២០។
ប្រឈមនឹងជំងឺកូវីដ សេដ្ឋកិច្ចអាហ្វ្រិក ជួបប្រទះការលំបាកយកតែមែនទែន ពុំដែលភពប្រសព្វសោះ អំលុង២៥ឆ្នាំមកនេះ។ មន្ត្រីជាន់ខ្ពស់ធនាគារពិភពលោក លោក Axel van Trotsenburg ត្រូវអ្នកឆ្លើយឆ្លងព័ត៌មានវិទ្យុបារាំងRFI នៅអាហ្វ្រិក ស្រង់សម្តីមក ថា “អាទិភាពចម្បងរបស់ទ្វីបអាហ្វ្រិកពេលនេះ ត្រូវផ្គត់ផ្គង់ថ្នាំបង្ការកូវីដ យ៉ាងហោច៤០០លានដូស ឲ្យបានមុខពេលដាច់ឆ្នាំ។ នៅពេលនេះ គឺពលរដ្ឋអាហ្វ្រិកប្រហែលជា១ភាគរយប៉ុណ្ណោះ ដែលបានទទួលថ្នាំបង្ការ។ នេះជារឿងដែលមិនអាចទទួលយកបានទាល់តែសោះ។”
សូមជ្រាបថា តាមគោលដៅរបស់សហព័ន្ធអាហ្វ្រិក គឺត្រូវចាក់វ៉ាក់សាំងឲ្យពលរដ្ឋ ឲ្យបាន៤០ភាគរយ ពីពេលនេះ ដល់ពាក់កណ្តាលឆ្នាំក្រោយ។ ក៏ប៉ុន្តែ គោលបំណងនេះ គឺនៅឆ្ងាយណាស់សម្បើបណាស់ ព្រោះគ្មានលុយគ្រប់គ្រាន់៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ