ឃាតកម្មបាញ់រះនៅប៊ូហ្វាឡូ បង្ហាញថាអាមេរិកមានដំបៅរើសអើងប្រកាន់ពូជសាសន៍ ចាក់ឫសយ៉ាងជ្រៅក្នុងសង្គម
អំពើបាញ់រះសម្លាប់មនុស្ស នៅក្រុងប៊ូហ្វាឡូ រដ្ឋញូយ៉ក កាលពីថ្ងៃសៅរ៍ ចុងសប្តាហ៍កន្លងទៅ បានធ្វើឲ្យរំជួយចិត្តជាខ្លាំងទូទាំងសហរដ្ឋអាមេរិក។ ឃាតករ ជាយុវជនស្បែកស អាយុ១៨ឆ្នាំ បានបាញ់រះសម្លាប់ជីវិតមនុស្ស១០នាក់ ដែលសុទ្ធតែជាជនជាតិអាមេរិកស្បែកខ្មៅ។ អំពើបាញ់រះ ដែលត្រូវបានសមត្ថកិច្ចអាមេរិក ចាត់ទុកថាមានលក្ខណៈជាការរើសអើងប្រកាន់ពូជសាសន៍។
ចុះផ្សាយនៅថ្ងៃ៖
តាមការបញ្ជាក់ពីសេតវិមាន កាលពីថ្ងៃចន្ទម្សិលមិញ លោក ចូ បៃដិន នឹងធ្វើដំណើរទៅក្រុងប៊ូហ្វាឡូ នៅថ្ងៃអង្គារនេះ មុននឹងចេញដំណើរទៅកាន់កូរ៉េខាងត្បូង។ លោក ចូ បៃដិន បានលើកឡើងថា ត្រូវតែរួមគ្នាប្រយុទ្ធយកឈ្នះ ផ្នត់គំនិតរើសអើស ស្អប់ខ្ពើម ប្រកាន់ពូជសាសន៍នេះឲ្យបាន ព្រោះវាគឺជាស្នាមប្រឡាក់ ដិតដាមលើសតិស្មារតីរបស់ប្រជាជនអាមេរិក។
យ៉ាងណាមិញ យោងតាមលោក ហ្វ្រង់ស្វ័រ ដៀរពែរ (François Durpaire) អ្នកប្រវត្តិសាស្ត្រជំនាញសហរដ្ឋអាមេរិក ដែលបានផ្តល់បទសម្ភាសន៍ឲ្យវិទ្យុបារាំងអន្តរជាតិ គឺសហរដ្ឋអាមេរិក នៅតែមានផ្នត់គំនិតរើសអើង បែងចែកពូជសាសន៍ពណ៌សំបុរ ដែលចាក់ឬជ្រៅណាស់ក្នុងសង្គម។
សម្រង់ប្រសាសន៍លោក François Durpaire អ្នកប្រវត្តិសាស្ត្រជំនាញអាមេរិក
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ