ប៉ូលីសស្លាប់៥នាក់នៅ Dalas នៅក្នុងការវាយប្រហារបាញ់ឆ្មក់
កាលពីយប់ថ្ងៃព្រហ្បត្តិ៍៧សីហាម្សិលមិញ ប៉ូលីសអាមេរិក៥នាក់នៅដាឡាសក្នុងរដ្ឋ Texas ត្រូវបានជនពីរនាក់ លបឆ្មក់បាញ់សម្លាប់ នៅក្រៅក្បួនបាតុកម្មមួយដែលបរិហារអំពើហិង្សាប៉ូលីសបន្ទាប់ពីមានជនអាមេរិកស្បែកខ្មៅពីររូប បានស្លាប់នៅសប្តាហ៍នេះ-នេះបើយោងតាមការជូនដំណឹងរបស់ប៉ូលីសនៅDalas។
ចុះផ្សាយនៅថ្ងៃ៖
ស្តាប់ - ០២:០៤
ប៉ូលីសអាមេរិក បានជូនដំណឹងពីការចាប់ខ្លួនជនសង្ស័យម្នាក់ ក្រោយពីមានការបាញ់ប្រហារតដៃគ្នាមួយ និង ការរកឃើញកញ្ចប់"សង្ស័យ"មួយដែលស្ថិតនៅជិតនោះដែរ។ ប៉ូលីសថែមទាំងចាប់ខ្លួនស្ត្រីម្នាក់ទៀត ដោយបន្តតាមស្វែងចាប់ជនសង្ស័យទៀត។ ចំណែកជនទីបី បានផ្សព្វផ្សាយដោយប៉ូលីសទីក្រុង Dallas នោះ បានចូលទៅបង្ហាញខ្លួនដល់ប៉ូលីសនិងត្រូវបានប៉ូលីសដោះលែងវិញ។
ម្យ៉ាងទៀត នៅយប់ម្សិលមិញ ប៉ូលីសអាមេរិក បានពន្យល់ប្រាប់ថា”ពួកគេកំពុងតែចរចារជាមួយជនសង្ស័យទី៤ដែលលាក់ខ្លួននៅក្នុងចំណតរថយន្តមួយនិងមានការបាញ់តដៃគ្នាទៅវិញទៅមកដែរ។
យោងតាមប៉ូលីស ជនសង្ស័យទីបួននេះ បានស្រែកថា "ទីបញ្ចប់ជិតមកដល់ហើយ " ដូច្នេះ គេ ត្រូវតែធ្វើការសម្លាប់និងធ្វើឲ្យរងរបួសដល់ពួកប៉ូលីសឲ្យបានចំនួនជាច្រើនថែមទៀត។ ជននេះថែមទាំងបាន អះអាងទៀតថា គ្រាប់បែកត្រូវបានគេលាក់គ្រប់ទីកន្លែងក្នុងទីក្រុងរួចហើយដែរ។
នៅក្នុងការឆ្មក់លបបាញ់ប្រហារប៉ូលីសម្សិលមិញនេះ ខាងប៉ូលីសអាមេរិកមានស្លាប់៥នាក់និង៧នាក់ទៀតត្រូវរងរបួស។ នៅមុនពេលការឆ្មក់បាញ់ប្រហារនេះ ក្រុមបាតុករ បានដើរជាក្បួនដង្ហែរដើម្បីសែ្រកតវ៉ាប្រឆាំងចំពោះការស្លាប់របស់ជនស្បែកខ្មៅពីររូប ដែលត្រូវបានប៉ូលីសស្បែកសបាញ់សំលាប់។
ជនទាំងពីររូបនោះម្នាក់ ឈ្មោះ Alton Sterling ស្លាប់កាលពីថ្ងៃអង្គារមុននៅ Baton Rougeក្នុងរដ្ឋLouisiana និងម្នាក់ទៀតឈ្មោះ Philando Castile បានស្លាប់កាលពីថ្ងៃពុធនៅក្រុង Saint Paul ក្នុងរដ្ឋ Minnesota ក្នុងពេលប៉ូលីសត្រួតចរាចរតាមផ្លូវ។ ហេតុការណ៍ហិង្សានេះ ត្រូវបាននារីសង្សារបស់ជនរងគ្រោះ ថតទុកជាភស្តុតាងដើម្បីបញ្ជាក់ពីកំហុសឆ្គងរបស់ប៉ូលីស។
ទន្ទឹមនេះដែរ អភិបាលរដ្ឋ Floride និង Minnesota បានសុំឲ្យមានការបើកស៊ើបអង្កេតព្រហ្មទណ្ឌមួយប្រឆាំងក្រុមប៉ូលីសដែលជាប់ចោទនិងព្យួរមុខតំណែងពួកគេជាបន្ទាន់ផងដែរ។
លោកប្រធានាធិបតីអាមេរិក អូបាម៉ាវិញកាលពីយប់ថ្ងៃព្រហស្បតិ៍ បានប្រតិកម្មទៅលើការវាយប្រហារទៅលើប៉ូលីសអាមេរិកថា” ជាការវាយប្រហារគិតទុកជាមុននិងគួរឲ្យស្អប់ខ្ពើមបំផុត៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ