លោក Bill Gates នៅតែជាអ្នកមានជាងគេបំផុតនៅលើពិភពលោក
សហស្ថាបនិករបស់ក្រុមហ៊ុនអាមេរិក Microsoft លោក Bill Gates នៅតែជាអ្នកមានជាងគេបំផុតនៅ លើពិភពលោកជាមួយនឹងទ្រព្យសម្បត្តិដ៏មហាសាលដែលឥឡូវនេះបានកើនឡើងដល់ជាង ៧៩ពាន់ លានដុល្លាររអាមេរិក នេះបើយោងតាមចំណាត់ថ្នាក់ប្រចាំឆ្នាំនៃទស្សនាវដ្តី Forbes ចេញផ្សាយកាលពីថ្ងៃច័ន្ទ។
ចុះផ្សាយនៅថ្ងៃ៖ កែប្រែថ្ងៃទី៖
បន្ទាប់ពីលោក Bill Gates គឺលោក Carlos Slim ជនជាតិម៉ិចស៊ិកជាមហាសេដ្ឋីខាងវិស័យទូរគមនាគមន៍ ដែលមានទ្រព្យសម្បត្តិដល់ទៅជាង៧៧ពាន់លានដុល្លារពោលគឺច្រើនជាងឆ្នាំមុនជាង៥ពាន់លានដុល្លាររ។ ឯចំណាត់ថ្នាក់ទី៣គឺបានដល់លោក Warren Buffett ពាណិជ្ជករសញ្ជាតិអាមេរិក ដែលមានទ្រព្យសរុប ជាង៧២ពាន់៧រយលានដុល្លារ ដោយក្នុងនោះបានប្រមូលទ្រព្យបានដល់ទៅជាង១៤ពាន់៥រយលាន ដុល្លារក្នុងរយៈត្រឹមតែមួយឆ្នាំចុងក្រោយនេះប៉ុណ្ណោះ ដែលធ្វើឲ្យលោក Amacio Ortega ស្ថាបនិក ពាណិជ្ជនាមសំលៀកបំពាក់ Zara សញ្ជាតិអេស្ប៉ាញធ្លាក់ចំណាត់ថ្នាក់មកលេខ៤ក្នុងឆ្នាំនេះដោយសារ ទ្រព្យសរុបនៅត្រឹមតែ៦៤ពាន់៥រយលានដុល្លារពោលកំនើនត្រឹមតែ៥០០លានដុល្លារក្នុងមួយឆ្នាំចុង ក្រោយ។ ចំណែកលោក Larry Ellison មហាសេដ្ឋីពត៌មានវិទ្យាស្ថាបនិកក្រុមហ៊ុន Oracle នៅតែរក្សា ដំណែងលំដាប់ទី៥ដូចឆ្នាំមុនដដែលដោយទ្រព្យសរុបមានជាង ៥៤ពាន់៣រយលានដុល្លារ។
បន្ទាប់មកចំណាត់ថ្នាក់ទី៦បានដល់លោកស្រី Liliane Bettencourt ជាស្រ្តីមហាសេដ្ឋីទីមួយមានសញ្ជាតិ បារាំង ដែលជាទាយាតម្ចាស់ក្រុមហ៊ុនគ្រឿងសំអាងដ៏ល្បីរបស់បារាំងឈ្មោះ L’Oréal លោកស្រីមានទ្រព្យ សរុបជាង៤០ពាន់លានដុល្លារ។ ចំណែក លោក Bernard Arnault មា្ចស់ក្រុមហ៊ុនផលិតផលប្រណីតដ៏ល្បី លើពិពភលោក ហៅកាត់ថា LVMH - ជាបណ្តុំនៃក្រុមហ៊ុន Louis Vuitton Moet Hennessy ដែលមាន ភោគទ្រព្យជាង ៣៧ពាន់ ២រយ លានដុល្លាររ មានចំណាត់ថ្នាក់ត្រឹមទី១៣ប៉ុណ្ណោះ។
ចំណែកឯសេដ្ឋីវ័យក្មេងថ្នាក់ពិភពលោកដែលល្បីរន្ទឺពាសពេញតាមបណ្តាញសង្គម គឺលោក Mark Zuckerberg ស្ថាបនិកក្រុមហ៊ុន Facebook មានអាយុត្រឹមតែ៣០ឆ្នាំ តែមានចំណាត់ថ្នាក់ចំណោមមហា សេដ្ឋីទាំង២០លើលោក ពោលគឺជាមួយនឹងទ្រព្យជាង៣៣ពាន់៤រយលានដុល្លារ លោក Zuckerberg ទទួលបានលំដាប់ថ្នាក់ជាមហាសេដ្ឋីពិភពលោកលំដាប់ថ្នាក់ទី១៦ក្នុងឆ្នាំ២០១៥នេះ។
អ្វីដែលជាកំណត់សំគាល់របស់ទស្សនាវដ្តី Forbes នោះគឺ មហាសេដ្ឋីពិភពលោកដែលមានទ្រព្យជាងពាន់ លានដុល្លារ បានកើនចំនួនពី១៦៤៥នាក់នៅឆ្នាំមុន ដល់១៨២៦នាក់ក្នុងឆ្នាំនេះ ហើយក្នុងនោះមាន៤៦ នាក់ដែលជាសេដ្ឋីវ័យក្មេងអាយុក្រោម៤០ឆ្នាំ។ បើយើងបែងចែកតាមប្រទេស អាមេរិកមានមហា សេដ្ឋីលំដាប់ពិភពលោកច្រើនជាងគេគឺ ចំនួន៥៣៦នាក់ បន្ទាប់មកចិនមាន២១៣នាក់ អាល្លឺម៉ង់ ១០៣នាក់ ឥណ្ឌា ៩០ នាក់ និងរុស្ស៊ី៨៨នាក់។ ចំណែកទ្វីបអឺរ៉ុបទាំងមូលមានមហាសេដ្ឋីដែល មានទ្រព្យជាងពាន់លានដុល្លារ សរុបមានចំនួន៤៨២នាក់។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ