Barack Obama ប្រកាសផែនការជាតិលើកទី ១ប្រឆំាងនឹងជំងឺអេដស៍
កាលពីថ្ងៃអង្គារ ទី១៣ កក្កដា ម្សិលមិញ លោកប្រធានាធីបតីអាមេរិក Barack Obama បានប្រកាសនូវផែនការជាតិលើកទីមួយក្នុងការប្រយុទ្ធប្រឆំាងនឹងជំងឺ ស៊ីដា ឬអេដស៍។ កម្មវត្ថុសំខាន់មានពីរ ទីមួយ៖ កាត់បន្ថយចំនួនអ្នកឆ្លងជំងឺស៊ីដា ឬអេដស៍ប្រចំាឆ្នំាឲ្យបាន ២៥ភាគរយ ក្នុងរយៈពេល ៥ឆ្នំា និងទីពីរ៖ ផ្តល់លទ្ធភាពឲ្យអ្នកជំងឺទទួលបាននូវថ្នំាព្យាបាលគ្រប់គ្រាន់។
ចុះផ្សាយនៅថ្ងៃ៖
សេចក្តីរាយការណ៍ របស់គួច គន្ធារ៉ា
នៅសហរដ្ឋអាមេរិកនាពេលបច្ចុប្បន្ន មានមនុស្សជាងមួយលាននាក់កំពុងរស់នៅជាមួយនឹងមេរោគស៊ីដា ឬអេដស៍។ ជារៀងរាល់ឆ្នំា មានអ្នកឆ្លងថ្មីជាង ៥០ ០០០នាក់បន្ថែមទៀត។ អ្នកដែលទទួលរងគ្រោះដោយជំងឺ ស៊ីដា ឬអេដស៍ខ្លំាងជាងគេ ច្រើនជាពលរដ្ឋអាមេរិកំាងស្បែកខ្មៅដែលមានប្រមាណ ១៣ភាគរយនៃពលរដ្ឋអាមេរិកំាងសរុប។ នៅក្នុងចំណោមពលរដ្ឋអាមេរិកំាងដែលមានផ្ទុកមេរោគស៊ីដា ឬអេដស៍ទំាងជាងមួយលាននាក់នោះ មានប្រមាណពាក់កណ្តាលជាពលរដ្ឋអាមេរិកំាងស្បែកខ្មៅ។
ទីក្រុងវ៉ាស៊ីនតោនដែលសម្បូរដោយពលរដ្ឋអាមេរិកំាងស្បែកខ្មៅរស់នៅ ត្រូវបានគេចាត់ទុកថា ជាទីក្រុងមួយដែលមានអ្នកផ្ទុកមេរោគស៊ីដា ឬអេដស៍ច្រើនជាងគេ ពោលមានរហូតដល់ទៅ ៣ភាគរយឯណោះ។ អត្រានេះ បានសបញ្ជាក់ឲ្យឃើញថា គ្រាន់តែនៅក្នុងទីក្រុងវ៉ាស៊ីនតោនតែមួយប៉ុណ្ណោះ ចំនួនអ្នកផ្ទុកមេរោគស៊ីដា ឬអេដស៍មានច្រើនជាងនៅក្នុងបណ្តាប្រទេសអាហ្រ្វិកមួយចំនួនទៅទៀត ដូចយ៉ាង ប្រទេស Burkina Faso ឬប្រទេស Sénégal។
ដូច្នេះ ផែនការជាតិប្រឆំាងនឹងជំងឺស៊ីដា ឬអេដស៍ដែលប្រកាសដោយលោក Barack Obama គឺសំដៅកាត់បន្ថយចំនួនអ្នកឆ្លងថ្មី តាមរយៈការបង្កើនយុទ្ធនាការបង្ការ និងការជម្រុញពលរដ្ឋឲ្យទៅធ្វើតេស្តឈាម។ នៅសហរដ្ឋអាមេរិក មានអ្នកផ្ទុកមេរោគស៊ីដា ឬអេដស៍ម្នាក់ ក្នុងចំណោម ៥នាក់ បានបដិសេធថាខ្លួនគ្មានមេរោគ ស៊ីដា ឬអេដស៍ទេ។ អ្វីដែលលោក Barack Obama ចង់បាន គឺបង្កើនបន្ថែមវិធានការបង្ការ និងផ្តល់លទ្ធភាពឲ្យអ្នកជំងឺទទួលបានថ្នំាព្យាបាលគ្រប់គ្រាន់ ដោយគ្មានការរើសអើង។ ការអនុវត្តន៍ផែនការជាតិប្រឆំាងនឹងជំងឺស៊ីដា ឬអេដស៍ដោយគ្មានការដំឡើងថវិកាទេ តែលោក Barack Obama ចង់ឲ្យមានការប្រើប្រាស់ថវិកាដែលមានស្រាប់ឲ្យបានត្រឹមត្រូវ និងចំទិសដៅ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ