លុយដុល្លារដើម្បីសន្តិសុខក្នុងប្រទេសអាហ្វហ្កានីស្តង់ បានធ្លាក់ក្នុងដៃពួកតាលីបង់
ចុះផ្សាយនៅថ្ងៃ៖
ស្តាប់ - ០៦:៣៤
នៅថ្ងៃព្រហស្បតិ៍ ទី៧ តុលាម្សិលមិញ ព្រឹទ្ធសភាអាមេរិកំាងបានចេញផ្សាយរបាយការណ៍មួយដែលបង្ហាញថា មូលនិធិដែលសហរដ្ឋអាមេរិកបានជួលក្រុមហ៊ុនឯកជនឲ្យទទួលខុសត្រូវ ផ្នែកសន្តិសុខនៅក្នុងប្រទេសអាហ្វហ្កានីស្តង់ បានធ្លាក់ទៅក្នុងដៃពួកមេកន្ទ្រាញសង្រ្គាម និងពួកឧទ្ទាមតាលីបង់។ របាយការណ៍បានបរិហារពីអសមត្ថភាពរបស់រដ្ឋបាលអាមេរិកំាងក្នុងការ ត្រួតពិនិត្យសកម្មភាពរបស់ក្រុមហ៊ុនទំាងនោះ។
គឺជារបាយការណ៍របស់គណៈកម្មាធិការយោធានៃព្រឹទ្ធសភាអាមេរិកំាង។ អ្វីដែលគណៈកម្មាធិការយោធានៃព្រឹទ្ធសភាអាមេរិកំាងចង់ដឹងជាងគេ គឺកិច្ចសន្យាស្តីពីការធានាសន្តិសុខដែលក្រសួងការពារជាតិអាមេរិកំាងបានចុះហត្ថលេខាជាមួយក្រុមហ៊ុនឯកជនអាហ្វហ្កានីស្តង់ អាមេរិកំាងក្នុងចន្លោះឆ្នំា ២០០៧ និង ២០០៩។ សូមជម្រាបជូនថា ដើម្បីធានាសន្តិសុខ និងសុវត្ថិភាពក្រុមការងាររបស់កម្លំាងជាតិ និងអន្តរជាតិដែលកំពុងបំពេញបេសកកម្មនៅក្នុងប្រទេសអាហ្វហ្កានីស្តង់តំាងពីឆ្នំា ២០០១ មក រដ្ឋបាលអាមេរិកំាងបានចំណាយលុយអស់រាប់សិបលានដុល្លារ។
ក្រោយពីបានបើកការស៊ើបអង្កេតអស់ជាច្រើនឆ្នំាមក គណៈកម្មាធិការយោធានៃព្រឹទ្ធសភាអាមេរិកំាងបានរកឃើញនូវភាពមិនប្រក្រតីជាច្រើនដូចជា៖ ភាពមិនឯករាជ្យរបស់ក្រុមហ៊ុន និងសកម្មភាពគ្មានតម្លាភាពរបស់ក្រុមហ៊ុនទំាងនោះ។ របាយការណ៍របស់ព្រឹទ្ធសភាអាមេរិកំាងមិនញញើតនឹងបរិហាររដ្ឋាភិបាលទីក្រុងវ៉ាស៊ីនតោន ពីអសមត្ថភាពក្នុងការត្រួតពិនិត្យឲ្យបានម៉ត់ចត់នូវសកម្មភាពមិនប្រក្រតីរបស់ក្រុមហ៊ុនទំាងនោះ។
របាយការណ៍របស់ព្រឹទ្ធសភាអាមេរិកំាងបានលើកឡើងអំពីការងាររបស់ក្រុមហ៊ុនទំាងនោះដែលបានយកលុយទៅចិញ្ចឹមមេកន្ទ្រាញសង្រ្គាម និងពួកឧទ្ទាមតាលីបង់ទៅវិញ។ និយាយជារួមទៅ ក្រុមហ៊ុនទំាងនោះកំពុងតែយកលុយរបស់មិត្ត ទៅចិញ្ចឹមសត្រូវ។ នេះជាទង្វើមួយដែលបាននិងកំពុងគំរាមកំហែងលើសន្តិសុខរបស់កម្លំាងអូតង់ និងអាចជារបំាងរារំាងភាពជោគជ័យរបស់អន្តរជាតិនៅក្នុងដំណើរការស្វែងរកសន្តិភាពឲ្យប្រទេសអាហ្វហ្កានីស្តង់ទៀតផង។
ចំណាយលុយ ដើម្បីទទួលបានសន្តិសុខ
ដើម្បីការពារសន្តិសុខ និងសុវត្ថិភាពក្រុមបុគ្គលិកស៊ីវិល និងយោធារបស់កម្លំាងអូតង់ និងកម្លំាងអាហ្វហ្កានីស្តង់ ក្រសួងការពារជាតិអាមេរិកបានចាយលុយរាប់សិបលានដុល្លារ ដើម្បីជួលក្រុមហ៊ុនរក្សាសន្តិសុខក្នុងស្រុក និងក្រុមហ៊ុនបរទេស។ នេះជារឿងមួយមិនអាចខ្វះបាន។ ជារួមទៅ បេសកកម្មរបស់អន្តរជាតិនៅក្នុងប្រទេសមួយ គេពិបាកនឹងទាត់ចោលនូវការរួមសហការរបស់ប្រទេសនោះ។ ទោះបីជាការរួមសហការនោះត្រូវធ្វើឡើងជាលក្ខណៈឯកជនក៏ដោយ។
អ្វីដែលរបាយការណ៍របស់ព្រឹទ្ធសភាអាមេរិកំាងបានលើកឡើងពេលនេះ ក៏ត្រូវបានលោករដ្ឋមន្រ្តីក្រសួងការពារជាតិអាមេរិកំាង Robert Gates ទទួលស្គាល់ជាផ្លូវការដែរ។ តែទន្ទឹមគ្នានេះ លោក Robert Gates បានគូសបញ្ជាក់ថា លោកបាននិងកំពុងពិនិត្យមើលឡើងវិញនូវគ្រប់កិច្ចសន្យាដែលក្រសួងការពារជាតិបានចុះហត្ថលេខាកន្លងមក។
យ៉ាងណាក៏ដោយ ជម្រើសយកក្រុមហ៊ុននេះ ឬនោះដើម្បីធ្វើការឲ្យមានតម្លាភាព ជារឿងមួយពិបាក ពិសេសនៅក្នុងការធានាសន្តិសុខ និងសុវត្ថិភាពឲ្យដល់កម្លំាងអន្តរជាតិ ប្រឈមនឹងពួកឧទ្ទាមតាលីបង់។ របាយការណ៍របស់ព្រឹទ្ធសភាអាមេរិកំាងបានចោទក្រុមហ៊ុនទំាងនោះថា បានបង្វែរលុយទៅចិញ្ចឹមពួកឧទ្ទាមតាលីបង់ តាមរយៈការជ្រើសយកពួកនេះឲ្យការពារសុវត្ថិភាពបុគ្គលិកជាតិ ក៏ដូចជាបុគ្គលិកអន្តរជាតិដែលកំពុងបំពេញបេសកកម្មនៅទីនោះ។
តើនេះជារឿងមួយត្រឹមត្រូវដែរ ឬទេ ?
ចម្លើយ គឺពិតជាមិនត្រឹមត្រូវទេ ព្រោះថា គ្មាននរណាយកលុយពីមិត្តទៅជួលសត្រូវ ឲ្យការពារមិត្តនោះទេ។ ក៏ប៉ុន្តែនៅក្នុងករណីខ្លះ នេះជារឿងមួយចៀសមិនរួច ព្រោះថា ទីមួយ៖ គេត្រូវបង់លុយឲ្យពួកឧទ្ទាមតាលីបង់ ដើម្បីកុំឲ្យពួកនេះបង្កអសន្តិសុខ មានន័យថា យកលុយទៅដូរនឹងសន្តិសុខ។ ចំណែកឯជម្រើសទីពីរ៖ មិនសុខចិត្តបង់លុយឲ្យពួកឧទ្ទាមទេ តែត្រូវប្រឈមនឹងការវាយប្រហារពីពួកនេះជាអចិន្រ្តៃយ៍។
ការផ្សះផ្សា ជាដំណោះស្រាយចុងក្រោយ
គិតមកទល់នឹងខែតុលា ឆ្នំា ២០១០ នេះ សង្រ្គាមក្នុងប្រទេសអាហ្វហ្កានីស្តង់មានអាយុកាល ៩ឆ្នំាហើយ។ ៩ឆ្នំាក្រោយមក ស្ថានការណ៍រឹតតែធ្លាក់ដុនដាបទៅៗ។ អំពើភេរវកម្មបានកើតមានសឹងតែរាល់ថ្ងៃ។ ទាហានរបស់អូតង់ និងអាហ្វហ្កានីស្តង់កំពុងបន្តបង់ជីវិតប្រឈមមុខនឹងពួកឧទ្ទាមតាលីបង់។
អ៊ីចឹងហើយបានជាមានលេចឡើងនូវគំនិតនៃការផ្សះផ្សាជាមួយពួកឧទ្ទាមដើម្បីបញ្ចប់សង្រ្គាម។ ថ្មីៗនេះ កាសែតអាមេរិកំាងឈ្មោះ Washington Post បានប្រាប់ឲ្យដឹងថា លោកប្រធានាធិបតីអាហ្វហ្កានីស្តង់ Hamid Karzaï និងក្រុមឧទ្ទាមតាលីបង់បានផ្តើមបើកកិច្ចចរចាដោយសម្ងាត់។ នេះជាព័ត៌មានមួយដែលអ្នកនំាពាក្យរបស់លោក Karzaï មិនបានបញ្ជាក់ទេ ហើយក៏មិនបានបដិសេធដែរ។
យ៉ាងណាក៏ដោយក្នុងឆ្នំា ២០១០ នេះ លោក Karzï ធ្លាប់បានប្រកាសឲ្យដឹងពីគំនិតផ្តួចផ្តើមមួយក្នុងការជំនះពួកតាលីបង់មិនជ្រុលនិយម ឲ្យរួបរួមជាមួយរដ្ឋាភិបាល បញ្ឈប់អំពើហិង្សា និងត្រូវទទួលយកច្បាប់រដ្ឋធម្មនុញ្ញថ្មី។ អ៊ីចឹងហើយបានជានៅដើមខែកញ្ញា ឆ្នំា ២០១០ លោក Karzaï បានបង្កើតឡើងនូវក្រុមប្រឹក្សាជាន់ខ្ពស់ដើម្បីសន្តិភាព ដើម្បីអនុវត្តផែនការខាងលើ។
ងាកទៅមើលជំហររបស់សហរដ្ឋអាមេរិកវិញ ទីក្រុងវ៉ាស៊ីនតោនបានបដិសេធមិនបញ្ចេញប្រតិកម្មលើព័ត៌មានខាងលើទេ តែគំាទ្រឲ្យមានការផ្សះផ្សា។ ទីក្រុងវ៉ាស៊ីនតោនមិនបានផ្តល់មេរៀនពីរបៀបផ្សះផ្សានោះទេ។ លោក Robert Gibbs អ្នកនំាពាក្យរបស់លោកប្រធានាធិបតីអាមេរិក បារ៉ាក់ អូបាម៉ាបាននិយាយថា រឿងផ្សះផ្សាជាមួយអ្នកណានោះ គឺជារឿងផ្ទៃក្នុងរបស់រដ្ឋាភិបាលអាហ្វហ្កានីស្តង់ ដែលអាមេរិកមិនលូកដៃទេ។
ក្រឡេកទៅមើលឥរិយាបថរបស់ពួកតាលីបង់ម្តង ពួកគេបានប្រកាសក្តែងៗរួចហើយថា ដរាបណានៅតែមានវត្តមានកម្លំាងទ័ពអាមេរិកំាង និងអូតង់ក្នុងទឹកដីអាហ្វហ្កានីស្តង់នោះ ពួកគេនឹងមិនព្រមចរចាជាដាច់ខាត។
សរុបមកវិញ បើគេមិនចង់ឃើញសង្រ្គាមនៅក្នុងប្រទេសអាហ្វហ្កានីស្តង់បន្តទៅមុខទៀតទេ ដំណោះស្រាយដែលប្រសើរបំផុត គឺការផ្សះផ្សាផ្ទៃក្នុង និងទុកឲ្យប្រជាជនអាហ្វហ្កានីស្តង់ ជាអ្នកសម្រេចជោគវាសនាអនាគតដោយខ្លួនឯង។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ