សម្ព័ន្ធប្រដាប់អាវុធជនជាតិភាគតិចភូមាប្រកាសវាយដណ្តើមយកបានទីក្រុងគន្លឹះពីកងទ័ពភូមា
ដូចការដៅទុករបស់ខ្លួន។ សម្ព័ន្ធប្រដាប់អាវុធជនជាតិភាគតិចបីក្រុមនៅប្រទេសភូមាបានអះអាងកាលពីយប់ថ្ងៃសុក្រម្សិលមិញ ថា ពួកគេវាយដណ្តើមយកបានទីក្រុងឡូកី (Laukkai) ដែលស្ថិតនៅជាប់ព្រំដែនចិន និងដែលល្បីខាងមានកាស៊ីណូ និងមជ្ឈមណ្ឌលរកស៊ីឆបោកអនឡាញ។ គិតចាប់តាំងពីខែតុលាឆ្នាំមុន សម្ព័ន្ធប្រដាប់អាវុធជនជាតិភាគតិច វាយដណ្តើមយកបានជាបន្តបន្ទាប់ ទីក្រុងជាច្រើនពីដៃកងទ័ពភូមា នៅក្នុងរដ្ឋស្ហាន ដែលជាច្រកដង្ហើមពាណិជ្ជកម្មនាំចេញដ៏សំខាន់របស់ភូមាជាមួយចិន។
ចុះផ្សាយនៅថ្ងៃ៖
ស្តាប់ - ០២:៣៧
នៅក្រោយការប្រយុទ្ធដ៏ហិង្សាអស់ជាច្រើនខែ ទីក្រុងឡូកី (Laukkai) ក្នុងរដ្ឋស្ហាន ដែលស្ថិតនៅជាប់ព្រំដែនចិន បានធ្លាក់ទៅក្នុងដៃរបស់សម្ព័ន្ធប្រដាប់អាវុធជនជាតិភាគតិច៣ក្រុម។ នៅក្នុងសេចក្តីថ្លែងការណ៍កាលពីយប់ថ្ងៃសុក្រទី៥មករា សម្ព័ន្ធ ប្រដាប់អាវុធជនជាតិភាគតិចដែលមានក្រុមយោធា អារ៉ាកា កងកម្លាំងសម្ព័ន្ធប្រជាធិបតេយ្យជាតិភូមា MNDAAនិងយោធារំដោះជាតិតាអាង TNLA បានអះអាងថា ពួកគេវាយដណ្តើមយកបានទីក្រុង ឡូកី និងចាប់ខ្លួន ដកហូតអាវុធពីមន្រ្តីយោធា ចំណែកកងទ័ពភូមាដែលនៅសេសសល់បានយល់ព្រមទម្លាក់អាវុធ។
អ្នកនាំពាក្យរបស់របបសឹក លោក ច មីនទុនបាននិយាយប្រាប់កាសែតរដ្ឋភូមា នៅថ្ងៃសៅរ៍នេះថា បន្ទាប់ពីពិចារណាយ៉ាងល្អិតល្អន់ កងទ័ពសម្រេចចិត្តចុះចាញ់នៅទីក្រុងឡូកី។
របូតបាត់ទីក្រុងឡូកី គឺជាការបាត់បង់ដ៏ធំមួយសម្រាប់របបសឹកភូមា ដែលកំពុងបរាជ័យស្ទើរគ្រប់សមរភូមិ នៅក្នុងរដ្ឋស្ហានដែលជាច្រកសំខាន់មួយ សម្រាប់ពាណិជ្ជកម្មនាំចេញរបស់ភូមាទៅកាន់ប្រទេសចិន។ តាំងពីខែតុលាឆ្នាំមុន កងទ័ពភូមានៅក្នុងរដ្ឋស្ហាន ត្រូវជាប់ដៃប្រយុទ្ធតទល់ជាមួយ សម្ព័ន្ធប្រដាប់អាវុធជនជាតិភាគតិច ដែលនៅក្នុងនោះមានការចូលរួមផងដែរ ពីកងកម្លាំងការពារប្រជាជន ដែលកើតចេញពីចលនាប្រឆាំងនឹងការធ្វើរដ្ឋប្រហារនៅភូមា។
នៅថ្ងៃសៅរ៍ កងកម្លាំងសម្ព័ន្ធប្រជាធិបតេយ្យជាតិភូមាសំដែងការត្រេកអរដែលអាចត្រលប់ចូលកាន់កាប់ ទីក្រុងឡូកី បន្ទាប់ពីត្រូវកងទ័ពភូមាវាយបណ្តេញចេញពីទីក្រុងឡូកី កាលពី ១៥ឆ្នាំមុន។ នៅក្រោមការកាន់កាប់របស់ក្រុមយុទ្ធជនស្និទ្ធនឹងយោធាភូមា ទីក្រុងឡូកីដែលស្ថិតនៅជាប់ព្រំដែនជាមួយចិន ល្បីល្បាញខ្លាំងខាងមានកាស៊ីណូ បនពេស្យា និងមជ្ឈមណ្ឌលរកស៊ីឆបោកអនឡាញ។
ជាសម្ព័ន្ធមិត្តផ្គត់ផ្គង់សព្វាវុធឲ្យរបបសឹកភូមា ប៉េកាំងធ្លាប់បង្ហាញការថ្នាំងថ្នាក់ មិនសប្បាយចិត្តនឹងមេដឹកនាំយោធាភូមា ដែលបរាជ័យមិនអាចបង្រ្កាបទប់ស្កាត់ បទឧក្រិដ្ឋ នៅមណ្ឌលរកស៊ីឆបោកអនឡាញក្នុងទឹកដីភូមា ដែលមានគោលដៅ ឆបោកប្រជាជនចិន។
អ្នកជំនាញមួយចំនួននិយាយថា ចិនក៏កំពុងមានទំនាក់ទំនងជាមួយក្រុមប្រដាប់អាវុធជនជាតិភាគតិចនៅភាគខាងជើងភូមា ម្យ៉ាងដោយសារក្រុមនេះនិយាយភាសា និងចាយលុយចិន។ និងម្យ៉ាងទផត
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ