រដ្ឋាភិបាល ដកហូតដីសម្បទានពីក្រុមហ៊ុនចំនួន២៣ រីឯសង្គមស៊ីវិលស្វាគមន៍
ចុះផ្សាយនៅថ្ងៃ៖
ស្តាប់ - ០៩:១១
ក្នុងសន្និសីទកាសែត ប្រចាំខែ នាព្រឹកថ្ងៃទី៦មករាម្សិលមិញ លោក សាយ សំអាល់ រដ្ឋមន្ត្រីក្រសួងបរិស្ថាន បានប្រកាសថា មកដល់ពេលនេះ មានក្រុមហ៊ុនចំនួន២៣ ដែលត្រូវបានអន្តរក្រសួង ទុកជានិរាករណ៍ ឬដកសិទ្ធិវិនិយោគលើដីសម្បទានសេដ្ឋកិច្ច។ ក្នុងនោះ ផ្ទៃដី ដែលត្រូវដកហូតមកវិញ មាន ៩០.៦៨២ ហិកតា ហើយក្រុមហ៊ុន ដែលបានស្ម័គ្រចិត្ត ប្រគល់ដីឲ្យរដ្ឋវិញ មានចំនួន ២៥.៨៥៥ ហិកតា។ គិតត្រឹមដើមឆ្នាំ២០១៥នេះ មានក្រុមហ៊ុនចំនួន ១១៣ ដែលទទួលបានដីសម្បទានសេដ្ឋកិច្ច ទំហំប្រមាណ ៥០ ម៉ឺនហិកតា។ សង្គមស៊ីវិល បានស្វាគមន៍ការសម្រេចនេះ ហើយជំរុញឲ្យរដ្ឋាភិបាល តាមរយៈក្រសួងបរិស្ថាន និងក្រសួងកសិកម្ម បន្តតាមដាន ត្រួតពិនិត្យ និងដកហូតដីសម្បទានបន្ថែមទៀតពីក្រុមហ៊ុនទាំងឡាយណា ដែលមិនអនុវត្តតាមកិច្ចសន្យា ដើម្បីកាត់បន្ថយជម្លោះដីធ្លីជាមួយនឹងប្រជាពលរដ្ឋ។
