ចិនប្រកាសក្លាយខ្លួនជាមហាអំណាចពាណិជ្ជកម្មពិភពលោកលេខមួយ
ចុះផ្សាយនៅថ្ងៃ៖
ស្តាប់ - ០៥:០៩
នៅថ្ងៃសុក្រនេះ ចិនបានប្រកាសថាអាចធានាបានភាពជាមហាអំណាចសេដ្ឋកិច្ច ទីមួយលើពិភពលោក វ៉ាឈ្នះសហរដ្ឋអាមេរិក ពីព្រោះ ការផ្តោះប្តូរពាណិជ្ជកម្មប្រចាំឆ្នាំរបស់ចិន មានទំហំជាង៤១៦០ពាន់លានដុល្លារ ពោលគឺឡើងដល់កំពូលខ្ពស់បំផុតមិនធ្លាប់មាន។ ប៉ុន្តែចិននៅមានឧបសគ្គខ្លះដែលឆ្លងកាត់ឱ្យបានសម្រាប់ឆ្នាំ២០១៤។
បើមើលទៅតាមតួលេខនៃការនាំចេញ គេពិតជាអាចនិយាយបានថាចិនវ៉ាឈ្នះអាមេរិក ដែលមហាអំណាចពាណិជ្ជកម្មលេខមួយនៅលើពិភពលោក តាំងពីសង្គ្រាមលោកលើកទីពីរមក។ ចិនមិនដែលធ្លាប់មានការនាំចេញឡើងដល់កំរិតនេះទេ ! ការផ្តោះប្តូរពាណិជ្ជកម្មប្រចាំឆ្នាំ២០១៣ មានទំហំ ៤១៦០ពាន់លាន។ ការនាំចេញបានប៉ោងឡើង៧,៩% ឯការនាំចេញក៏បានកើនដល់៧,3% ជាហេតុធ្វើឱ្យសល់ផលពាណិជ្ជកម្មប្រចាំឆ្នាំ រីកធំ ១២,៨% ពោលគឺកើនឡើងលើសឆ្នាំកន្លងទៅ ដល់ទៅជិតពាក់កណ្តាល (៥០%)។
បើនិយាយជាទូទៅ ពាណិជ្ជកម្មក្រៅប្រទេសរបស់ចិន បានកើនឡើងតិចជាងការកម្មវត្ថុកំណត់ដោយរដ្ឋាភិបាល កាលពីមួយឆ្នាំមុនទេ។ ប៉ុន្តែជាមួយតួលេខដ៏ខ្ពស់មិនធ្លាប់មាននេះ គេសឹងតែអាចបញ្ជាក់បានថាចិនវ៉ាឈ្នះសហរដ្ឋអាមេរិក ជាលើកទីមួយតាំងពីឆ្នាំទៅម្ល៉េះ ! ចិនជាមហាអំណាចពាណិជ្ជកម្មទីមួយនៅលើពិភពលោក បើនិយាយពីផ្នែកពាណិជ្ជកម្ម។ នេះជាការកោតសរសើរដោយខ្លួនឯងរបស់អ្នកនាំពាក្យទីចាត់ការគយចិន។ អ្នកធ្វើអត្ថាធិប្បាយជាច្រើន បានផ្តល់ចំណាត់ថ្នាក់លេខមួយដល់ចិន រួចទៅហើយ តាំងពីឆ្នាំទៅ ប៉ុន្តែ បើតាមការអះអាងរបស់ចិនដដែល ចិនប្រើពេលយូរ ទម្រាំប្រកាសពីភាពជាមហាអំណាចសេដ្ឋកិច្ចទីមួយនៅលើពិភពលោកនេះ មកពីចិនប្តូរផ្លាស់វិធីសាស្ត្រគិតគូរ។
ទោះបីចិនកំពុងអង្គុយលើចង្អេរលើកខ្លួនឯងឬយ៉ាងក៏ដោយ ឬទោះបីជាគ្មានតួលេខពីខាងអាមេរិកក្តី ក៏ដំណឹងនៅឆ្នាំនេះ ជាដំណឹងពិតពិបាកប្រកែកបាន ពីព្រោះពាណិជ្ជកម្មអាមេរិក ១១ខែ គិតត្រឹមតែវិច្ឆិកា ឆ្នាំ២០១៣ មានត្រឹមតែ៣៥៧ពាន់លានប៉ុណ្ណោះ ធ្វើយ៉ាងម៉េចក៏មិនអាចលើសចិនបានដែរ។ តួលេខផ្លូវការអាមេរិក នឹងបង្ហាញឱ្យដឹងនៅខែកុម្ភៈខាងមុខ។ យ៉ាងណាក៏ដោយ ក៏ចិនមានគំលាតពាណិជ្ជកម្ម ច្រើនជាងអាមេរិកដល់ទៅ ២៥០ពាន់លានដុល្លារ ដូច្នេះគឺគ្រប់គ្រាន់ណាស់សម្រាប់បញ្ជាក់ចំណាត់ថ្នាក់ប្រទេសទាំងពីរ។
ចំណាត់ថ្នាក់ជាមហាអំណាចទីមួយនេះ គឺដោយរំពឹងលើការពាណិជ្ជកម្ម នាំចេញនិងនាំចូលប៉ុណ្ណោះ។ ប៉ុន្តែបើនិយាយអំពីកំរិតជីវិតរបស់ប្រជាជនវិញ ចិនមិនទាន់អាចក្លាយជាមហាអំណាចទីមួយលើពិភពលោកទេ ព្រោះកំរិតជីវិតប្រជាជនចិនមានត្រឹមតែ៦០%នេះប្រជាជនប្រទេសអ្នកមាន។
ទស្សនវិស័យសេដ្ឋកិច្ច២០១៤
ថ្វីបើសល់ផលពាណិជ្ជកម្ម កាលពីខែធ្នូធ្លាក់ចុះមែនតែជាការធ្លាក់ចុះបើប្រៀបទៅនឹងខែឆ្នូឆ្នាំ២០១២ និងម្យ៉ាងទៀត មកពីកាលពីខែវិច្ឆិកា២០១៣នេះ សល់ផលពាណិជ្ជកម្មចិន កើនខ្ពស់ខ្លាំង។ ប៉ុន្តែនេះមិនថ្វីទេ ព្រោះជាសរុបប្រចាំឆ្នាំសល់ផលពាណិជ្ជកម្មចិនកើនឡើង។ ការនាំចូល ក៏បានកើនឡើងដែរ។ កើនឡើងគួរជាទីពេញចិត្ត និងទុកចិត្ត ដែលបញ្ជាក់ពីភាពរឹងមាំនៃតម្រូវការនិងទីផ្សារក្នុងស្រុក។ ក្រុងប៉េកាំងបានសម្រេចអាទិភាពដ៏ចម្បងមួយ ដែលចង់ឱ្យមានលំនឹងកំណើនសេដ្ឋកិច្ច តាមរយៈការធ្វើវិនិយោគ ការចាយវាយទិញដូរក្នុងស្រុក ជាគំរូសេដ្ឋកិច្ចដែលមិនពឹងផ្អែកទាំងស្រុងលើការនាំចេញ។ មានសល់ផលព្រោះតែនាំចេញនិងថាំមិននាំចូលទើបគួរឱ្យព្រួយបារម្ភ ដោយត្រូវរំពឹងតែអ្នកក្រៅ។
ឆ្នាំ២០១៤នេះ អាចចាត់ទុកមានដំណើរការចាប់ផ្តើមល្អសម្រាប់ចិន ព្រោះម្យ៉ាងតម្រូវការពិភពលោកក៏ផ្តើមរើប។ បើតាមអាជ្ញាធរចិន សំណើពីអឺរ៉ុបមានការកើនឡើង អឺរ៉ុបខ្លួនឯងក៏បានបញ្ជាក់ថាជាដៃគូពាណិជ្ជកម្មចិនទីមួយ។ ប៉ុន្តែចិនត្រូវប្រុងប្រយ័ត្នខ្លាំង ជាពិសេសនៅចំពោះមុនការពង្រឹងតម្លៃប្រាក់យ័ន នៅលើទីផ្សារអន្តរជាតិ ភាពចុះខ្សោយរបស់ដៃគូពាណិជ្ជកម្មមានអាទិ៍អាស៊ាន អាចធ្វើឱ្យការនាំចេញស្មុគស្មាញ។ ការប្រយុទ្ធប្រឆាំងរីកលូតលាស់ខ្លាំងផ្នែកកម្ចីប្រាក់ ក៏អាចប៉ះពាល់ដល់លទ្ធភាពចាយវាយទិញដូរក្នុងស្រុកដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ