ទូកល្បីនៅភ្នំពេញដែលតែងតែទទួលជ័យជំនះ ប៉ុន្តែចំណុះទូកសុទ្ធតែអ្នកមកពីខេត្ត
ចុះផ្សាយនៅថ្ងៃ៖
ស្តាប់ - ០៨:១៨
ព្រះរាជពិធីបុណ្យអុំទូក នឹងចាប់ផ្តើមនៅចុងសប្តាហ៍នេះហើយ ក្រោយផ្អាកអស់រយៈពេល ៥ ឆ្នាំ។ ពិធីបុណ្យជាតិដ៏ធំបំផុតមួយនេះនឹងមានទូកងរ ទូកអុំ និងទូកខ្នាតអន្តរជាតិជាច្រើន។ ទូកល្បីៗនៅទីក្រុងភ្នំពេញក៏បានត្រៀមខ្លួនរួចជាស្រេច ដើម្បីចូលរួមពិធីដ៏ធំមួយនេះ។ ក្នុងនោះ ទូកមហានាគ ទូកល្បីរបស់វត្តនាគវ័ន ដែលមានកិត្តិនាម និងជាជ័យលាភីរាល់ឆ្នាំនោះ ក៏បានត្រៀមខ្លួនរួចជាស្រេចសម្រាប់ការប្រកួត ដែលខានប្រារព្ធអស់រយៈពេល ៥ឆ្នាំមកហើយនោះ។ ដោយឡែកចំណុះទូកមហានាគនេះ គឺជាអ្នកស្ម័គ្រចិត្តមកពីបណ្តាខេត្តកំពង់ធំ។ គណៈកម្មការទូកបានបញ្ជាក់ថា ចំណុះទូកមកពីណាក៏ដោយ ក៏មិនសំខាន់ដែរ ប៉ុន្តែអ្វីដែលសំខាន់ គឺជ័យជំនះ និងការថែរក្សាប្រពៃណី។