អុំទូកឆ្នាំនេះ៖ រដ្ឋាភិបាលនិងពលរដ្ឋមិនត្រូវភ្លេចខ្លួនទេ!
ចុះផ្សាយនៅថ្ងៃ៖
ស្តាប់ - ១០:០៥
ព្រះរាជពិធីបុណ្យអុំទូកអកអំបុក និងសំពះព្រះខែនឹងឈានចូលនៅថ្ងៃអាទិត្យសប្ដាហ៍ក្រោយនេះហើយ។ តាមការព្យាករណ៍របស់អាជ្ញាធរ និងសង្គមស៊ីវិល ពួកគេមើលឃើញថា ពលរដ្ឋនៅតាមបណ្ដាលខេត្តនឹងសម្រុកឡើងមករាជធានីភ្នំពេញយ៉ាងច្រើនកុះករ ដើម្បីចូលរួមព្រឹត្តការណ៍បុណ្យជាតិជាប្រវត្តិសាស្ត្រនេះ។ ហើយអាជ្ញាធរបានត្រៀមប្រើប្រាស់ កម្លាំងការពារជាង ១ម៉ឺននាក់។ ទោះជាត្រៀមកម្លាំងការពាររួចជាស្រេចយ៉ាងណាក៏ដោយតែចំពោះសង្គមស៊ីវិល និងអ្នកតាមដានបញ្ហាសង្គម និងនយោបាយបានរម្លឹកទៅរដ្ឋាភិបាល និងពលរដ្ឋមិនត្រូវភ្លេចខ្លួនទេដោយត្រូវចង់ចាំព្រឹត្តការណ៍ជាន់គ្នាស្លាប់ជាង ៣០០នាក់ នៅកោះពេជ្រ ដែលបានកើតឡើងកាលពី ៥ឆ្នាំមុននៅថ្ងៃចុងក្រោយនៃពិធីបុណ្យទូកក្នុងឆ្នាំ ២០១០។
