សាលាក្រុងបើកវេទិកាសាធារណៈដោះស្រាយរឿងបុរីកីឡា តែពលរដ្ឋមិនសូវមានជំនឿ
ចុះផ្សាយនៅថ្ងៃ៖
ស្តាប់ - ០៨:៤៥
សាលារាជធានីភ្នំពេញ កាលពីព្រឹកមិញ បានបើកវេទិកាសាធារណៈមួយស្តីពី “ការពិគ្រោះយោបល់បញ្ហាលំនៅដ្ឋានជាមួយប្រជាពលរដ្ឋសហគមន៍បុរីកីឡាដែលនៅសេសសល់”នៅសាលមហោស្រពចេនឡា។ ប្រជាពលរដ្ឋសហគមន៍បុរីកីឡាប្រមាណជិតពីររយគ្រួសារត្រូវបានសាលារាជធានីភ្នំពេញ អញ្ជើញឲ្យចូលរួមដើម្បីបញ្ចេញមតិ និង បង្ហាញភស្តុតាងផ្សេងៗទាក់ទងនឹងលំនៅដ្ឋានរបស់ពូកគេ។ យ៉ាងណាក៏ដោយ ប្រជាពលរដ្ឋដែលមានជម្លោះដីធ្លីជាមួយក្រុមហ៊ុន ផានអ៊ីម៉ិចប្រមាណជាងពីរឆ្នាំមកហើយនោះ មានជំនឿតិចតួចប៉ុណ្ណោះដែលថា វេទិកាសាធារណៈនេះ អាចជួយរកដំណោះស្រាយឲ្យពួកគេបាន។