ព្រឹត្តិការណ៍កម្ពុជាប្រចាំថ្ងៃ
ផែនការកែទម្រង់ការបោះឆ្នោតអាចកើតឆ្នាំ២០១៤ តែការបោះឆ្នោតមុនអាណត្តិឆ្នាំ២០១៥ មិនទាន់ច្បាស់ទេ
ចុះផ្សាយនៅថ្ងៃ៖
ស្តាប់ - ១១:៥៦
គណៈកម្មការចម្រុះដើម្បីកែទម្រង់ការបោះឆ្នោតនៅកម្ពុជា ដែលមានសមាជិក១២នាក់ ក្នុងនោះ ៦នាក់មកពីគណបក្សប្រជាជនកម្ពុជា ហើយ៦នាក់ទៀត មកពីគណបក្សសង្គ្រោះជាតិ ត្រូវប្រជុំថ្ងៃនេះ នៅព្រឹទ្ធសភា។ ពីរថ្ងៃមុន បន្ទប់ស្ថានការណ៍ថ្ងៃបោះឆ្នោតឆ្នាំ២០១៣ បានជម្រុញឱ្យគណៈកម្មការចម្រុះនេះ រកឱ្យឃើញនូវកិច្ចព្រមព្រៀងស្តីពីផែនការកែទម្រង់ការបោះឆ្នោតត្រឹមឆ្នាំ២០១៤ និងបានស្នើឱ្យរៀបចំការបោះឆ្នោតមុនអាណត្តិនៅឆ្នាំ២០១៥។ ប្រតិកម្មពីមន្ត្រីជាន់ខ្ពស់នៃគណបក្សទាំងពីរបង្ហាញថា ផែនការកែទម្រង់ការបោះឆ្នោតទំនងជាអាចកើតនៅឆ្នាំ២០១៤ ប៉ុន្តែ ការបោះឆ្នោតមុនអាណត្តិនៅឆ្នាំ២០១៥មិនអាចទៅរួចច្រើនជាង។