លោកប៊ូ វីរៈ៖ ការដាក់កម្លាំងសមត្ថកិច្ចក្នុងការតវ៉ាប្រឆាំងនៅកំពង់ចាម បានទទួលឥទ្ធិពលពីភ្នំពេញ
ចុះផ្សាយនៅថ្ងៃ៖
ស្តាប់ - ១០:០១
ភ្ញៀវប្រចាំថ្ងៃរបស់វិទ្យុបារាំងអន្ដរជាតិ នៅថ្ងៃអាទិត្យ ទី២៦មករានេះ គឺលោកប៊ូ វីរៈ មន្ដ្រីសម្របសម្រួលអង្គការការពារសិទ្ធិមនុស្សលីកាដូ ប្រចាំនៅខេត្តកំពង់ចាម។ ក្នុងកិច្ចសម្ភាសន៍ជាមួយវិទ្យុបារាំងអន្ដរជាតិ លោកប៊ូ វីរៈ បានរៀបរាប់ពីទិដ្ឋភាពការឡោមព័ទ្ធសណ្ឋាគារដែលលោកកឹម សុខា ស្នាក់នៅ ពីសំណាក់អ្នកគាំទ្រគណបក្សប្រជាជនកម្ពុជា។ លោកក៏បានឲ្យដឹងផងដែរ ពីការរំខាននានា របស់អ្នកគាំទ្រគណបក្សកាន់អំណាច ដែលមិនអាចឲ្យវេទិកាជួបជុំអ្នកគាំទ្ររបស់គណបក្សប្រឆាំង ប្រព្រឹត្តទៅបាន។មន្ដ្រីសិទ្ធិមនុស្សប្រចាំខេត្តកំពង់ចាមរូបនេះ លើកឡើងថា ការតវ៉ាប្រឆាំងនៅខេត្តកំពង់ចាម លើកនេះ បានទទួលឥទ្ធិពលពីភ្នំពេញ ព្រោះមានការដាក់ពង្រាយកងកម្លាំងសមត្ថកិច្ចជាច្រើនពាសពេញទីរួមខេត្ត ខុសពីការតវ៉ាមុនៗ ដែលមិនមានការដាក់ពង្រាយកងកម្លាំងសមត្ថកិច្ច ដើម្បីត្រៀមទប់ទល់ឡើយ។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ