ព្រឹត្តិការណ៍កម្ពុជាប្រចាំថ្ងៃ
កម្ពុជាអាចទាញមេរៀនអ្វីខ្លះពីវៀតណាមសម្រាប់យុទ្ធនាការប្រឆាំងអំពើពុករលួយ និងការរំលោភអំណាច?
ចុះផ្សាយនៅថ្ងៃ៖
ស្តាប់ - ១២:៤៣
ប្រធានាធិបតីវៀតណាមលោក វ៉ វ៉ាន់ ធឿងបានសម្រេចលាលែងចេញពីតំណែងនៅថ្ងៃពុធ ទី២០ ខែមីនា។ តាមទីភ្នាក់ងារផ្លូវការវៀតណាម VNA លោក វ៉ វ៉ាន់ ធឿងបានរំលោភអំណាច អសកម្មក្នុងការដឹកនាំ និងជាប់សង្ស័យក្នុងរឿងពុករលួយ។ សម្រាប់ក្រុមអ្នកតាមដាននយោបាយនៅកម្ពុជា ការចុះពីតំណែងរបស់លោកវ៉ វ៉ាន់ ធឿងបានឆ្លុះបញ្ចាំងពីអនុភាពនៃប្រព័ន្ធច្បាប់ និងស្មារតីទទួលខុសត្រូវរបស់ថ្នាក់ដឹកនាំជាន់ខ្ពស់វៀតណាមចំពោះតួនាទីរបស់ខ្លួន។ នៅក្នុងន័យនេះ ក្រុមអ្នកតាមដាននយោបាយស្រុកខ្មែរចង់ឃើញកម្ពុជាទាញយកមេរៀនដូចវៀតណាមសម្រាប់យុទ្ធនាការប្រឆាំងអំពើពុករលួយ និងការរំលោភអំណាចរបស់មន្រ្តីជាន់ខ្ពស់មួយចំនួន។
