តើពលរដ្ឋចង់បានដំណោះស្រាយបែបណា បន្ទាប់ពីចាប់ខ្លួនឧកញ៉ា ឡេង ចាន់ណា?
ចុះផ្សាយនៅថ្ងៃ៖
ស្តាប់ - ១០:៥៦
សាលាដំបូងខេត្តសៀមរាបបានឃាត់ខ្លួន ឧកញ៉ា ឡេង ចាន់ណា និងបក្ខពួក នៅថ្ងៃទី១២មីនា ពី«បទឆបោក និងចេញឆែកស្អុយ»។ តាមពលរដ្ឋ ស្ត្រីជាឧកញ៉ាវ័យក្មេងរូបនេះ បានឆបោកប្រាក់វិនិយោគរបស់ពួកគេជាង៥ពាន់គ្រួសារ បើគិតជាប្រាក់សរុបខ្ទង់៣០០លានដុល្លារ។ នេះមិនមែនជាលើកទី១ទេ ដែលឧកញ៉ារកស៊ីក្នុងល្បែងដូចគ្នានេះត្រូវបានចាប់ខ្លួន។ ឧកញ៉ា ជា សារ៉ន ត្រូវបានចាប់ខ្លួននៅខែមេសាឆ្នាំ២០២៣ និងឧកញ៉ា ហ៊ី គឹមហុង ត្រូវបានចាប់ខ្លួន នៅសីហាឆ្នាំ២០២៣ ដូចគ្នា ប៉ុន្តែឧកញ៉ារូបនេះត្រូវបានដោះលែងវិញនៅខែវិច្ឆិកាឆ្នាំដដែល។ ក្រោយចាប់ខ្លួនឧកញ៉ាទាំងនេះ ពលរដ្ឋអះអាងថា ពួកគេនៅមិនទាន់បានលុយរបស់ពួកគេមកវិញនៅឡើយ។