រដ្ឋមន្ត្រីក្រសួងទេសចរណ៍ថាទេសចរណ៍កម្ពុជា នៅមានបញ្ហាប្រឈមមួយចំនួនក្នុងដំណើរឆ្ពោះ ទៅកាន់សមាហរណកម្មអាស៊ាន
ថ្លែងនៅក្នុងសន្និបាត បូកសរុបលទ្ធផល ការងារទេសចរណ៍ ឆ្នាំ២០១២-២០១៣ រដ្ឋមន្ត្រីក្រសួងទេសចរណ៍ លោក ថោង ខុន បានលើកឡើងថាក្នុងដំណើរឆ្ពោះទៅកាន់ទេសចរណ៍អាស៊ានឆ្នាំ២០១៥ កម្ពុជានៅមានបញ្ហាប្រឈមមួយចំនួន ក្នុងនោះរួមមានការវិនយោគទន់ផ្នែកផលិតផលទេសចរណ៍ ការផ្សព្វផ្សាយនៅមានកម្រិត និង កង្វះធនធានមនុស្សជាដើម។បញ្ហាប្រឈមចំនួន៦នៅក្នុងវិស័យទេសចរណ៍កម្ពុជាក្នុងដំណើរឆ្ពោះទៅកាន់សមាហរណកម្មទេសចរណ៍អាស៊ានឆ្នាំ២០១៥ និងការពង្រឹងប្រសិទ្ធភាពវិស័យទេសចរណ៍កម្ពុជា។ នេះជាការលើកឡើងរបស់រដ្ឋមន្ត្រីក្រសួងទេសចរណ៍កម្ពុជា លោក ថោង ខុន នៅថ្ងៃពុធទី២៦ កុម្ភៈនេះ។
ចុះផ្សាយនៅថ្ងៃ៖
ស្តាប់ - ០២:០៤
ថ្លែងនៅក្នុងសន្និបាត បូកសរុបលទ្ធផល ការងារទេសចរណ៍ ឆ្នាំ២០១២-២០១៣និងទិសដៅអនុវត្តបន្ត "ទេសចរណ៍កម្ពុជា ឆ្ពោះទៅសមាហរណកម្មអាស៊ាន ឆ្នាំ២០១៥" នៅមជ្ឈមណ្ឌលកោះពេជ្យ លោក ថោង ខុន បានឱ្យដឹងថា បញ្ហាប្រឈមទាំង៦នោះ រួម មាន កង្វះខាតការវិនិយោគ លើការបង្កើតផលិតផលទេសចរណ៍។ ការផ្សព្វផ្សាយស្តីពីទេសចណ៍កម្ពុជានៅមានកម្រិត។ ភាពយឺតយ៉ាវ និងការនៅមានកម្រិត នៃការអនុវត្តច្បាប់គតិយុទ្ធស្តីពីទេសចរណ៍។
កង្វះធនធានមនុស្សក្នុងផ្នែកវិស័យទេសចរណ៍ទាំងគុណភាព និងបរិមាណ។ កង្វះខាតការហោះហើរត្រង់លើឆាកអន្តរជាតិ រួមទាំងការធ្លុះធ្លាយសេដ្ឋកិច្ច នៃវិស័យទេសចរណ៍។ លោកថោង ខុន បានសង្កត់ធ្ងន់ថា បញ្ហាទាំងនេះដែលចាំបាច់ត្រូវការពង្រឹង។
សូមបញ្ជាក់ថា វិស័យទេសចរណ៍នៅកម្ពុជាគឺជាសរសរស្តមទ្រទ្រង់សេដ្ឋកិច្ចមួយ។ គិតត្រឹមបំណាច់ឆ្នាំ២០១៣ កម្ពុជាទទួលបានភ្ញៀវទេសចរណ៍អន្តរជាតិប្រមាណជាង ៤លាននាក់ កើនឡើងប្រមាណ១៧.៥% ដែលជាភ្ញៀវទេសចរណ៍មកពីតំបន់អាស៊ីប៉ាស៊ីហ្វិក អ៊ឺរ៉ុប និងអាមេរិក។ ក្នុងចំណោមទីផ្សារទេសចរណ៍សំខាន់របស់កម្ពុជាមានប្រទេសវៀតណាម ចិន ថៃ និងអាមេរិកជាដើម។ បើតាមលោកថោង ខុនដដែលថវិកាប្រមាណជាង ពីរពាន់ប្រាំរយលានដុល្លារអាមេរិក (២,៥៤៧ ដុល្លាអាមរិក) ត្រូវបានចាក់បញ្ចូលក្នុងថវិការជាតិ ហើយមានពលរដ្ឋប្រមាណជាង ៦២ម៉ឺននាក់កំពុងធ្វើការក្នុងវិស័យទេសចរណ៍នេះដោយផ្ទាល់។
សូមបញ្ជាក់ថាក្នុងតំបន់អាស៊ានទាំងមូលនៅឆ្នាំ២០១៣ មានភ្ញៀវទេសចរណ៍ប្រមាណ ជាង ៩០លាននាក់។ យ៉ាងណាក៏ដោយ រដ្ឋមន្ត្រីក្រសួងទេសចរណ៍កម្ពុជាលោកថោងខុន បានអះអាងថា បើទោះបីជាកម្ពុជាកំពុងប្រឈមបញ្ហាមួយចំនួនក្នុងវិស័យនេះក៏ដោយ ប៉ុន្តែកម្ពុជារំពឹងថា នឹងទទួលបានភ្ញៀវទេសចរណ៍អន្តរជាតិប្រមាណ ៤, ៧លាននាក់ ក្នុងឆ្នាំ២០១៤នេះ និងពី៧ ទៅ៨លាននាក់ ក្នុងឆ្នាំ២០២០ ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ