តើ រុស្ស៊ី ចាត់វិធានការបង្ការយ៉ាងណា ទល់នឹង កូរ៉ណាវីរុស?
ចុះផ្សាយនៅថ្ងៃ៖
ស្តាប់ - ០៦:៣៤
រុស្ស៊ី ទើបរកឃើញចំនួន២ករណី នៅថ្ងៃទី៣១មករា។ ក្នុងកិច្ចប្រជុំពិសេស ថ្ងៃ២៩មករា ឧទ្ទិសដល់បញ្ហា បង្ការជាមុន ទល់នឹង ការឆ្លងរាលដាល នៃមេរោគផ្លូវដង្ហើមប្រភេទថ្មី បណ្តាលមកពី កូរ៉ូណាវីរុស, ប្រមុខរដ្ឋរុស្ស៊ី វ៉្លាឌីមៀរ ពូទីន បានផ្ទុកផ្តាក់ រដ្ឋាភិបាលឲ្យ ធ្វើរាល់អ្វីៗជាចាំបាច់ ដើម្បីបន្ថយ ការបាត់បង់ ចំនួនពលរដ្ឋ លុះចុះដល់កម្រិតទាបបំផុត ដោយមកពី ជំងឺផ្លូវដង្ហើមប្រភេទថ្មី។
វិធានការដំបូង ប្រកាសដោយ សេនាធិការប្រតិបត្តិការនៅអមរដ្ឋាភិបាលខាងប្រឈមនឹងកូរ៉ូណាវីរុស គឺ ចាប់ពីកណ្តាលអធ្រាត្រថ្ងៃ៣០ ឆ្លងចូលថ្ងៃ៣១ មករា បញ្ឈប់ទំនាក់ទំនងតាមផ្លូវរថភ្លើង រវាង ខេត្តរុស្ស៊ី និង ខេត្តចិន លើកលែងតែ ជើងរថភ្លើង ម៉ូស្គូ-ប៉េកាំង និង ប៉េកាំង-ម៉ូស្គូ ឲ្យនៅដំណើរការ ពីរដងក្នុងមួយ សប្តាហ៍។ ផ្លូវរថយន្ត និង ផ្លូវថ្មើរជើង រវាង ខេត្ត ៥ រុស្ស៊ី នៅចុងបូព៌ាជាប់នឹងចិន ត្រូវបានបិទ ទៅហើយ។
ចាប់ពីថ្ងៃ ២៧ មករា មក រុស្ស៊ី ឈប់បញ្ជូន ក្រុមអ្នកទេសចរខ្លួន ទៅសម្រាកនៅប្រទេសចិនទៀតឡើយ ចំណែក អ្នកទេសចររុស្ស៊ី សម្រាកនៅចិន ក្នុងចំនួន ជាង ៥.៦០០ នាក់ ត្រូវបានដឹកជាបណ្តើរៗ ត្រឡប់ មកស្រុកវិញ ឲ្យបានរួចរាល់ ទៅទល់ថ្ងៃ ៤ កុម្ភៈ។
សូមស្តាប់ការអធិប្បាយលម្អិតរបស់ កែវ ឆាយា ពីម៉ូស្គូ៖
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ