ប៉ាលេស្ទីនទទួលស្គាល់បរាជ័យក្នុងការសុំចូលជាសមាជិកនៃអ.ស.ប.
ក្រុមប្រឹក្សាសន្តិសុខនៃអង្គការសហប្រជាជាតិបានធ្វើការកត់សម្គាល់នៅថ្ងៃសុក្រទី១១វិច្ឆិកាឆ្នាំ២០១១ថា គេគ្មានលទ្ធភាពនឹងទទួលបេក្ខភាពរបស់ប៉ាលេស្ទីនសុំចូលជាសមាជិកនៃអ.ស.ប.ឡើយ ដោយហេតុមានការខ្វែងគំនិតគ្នារវាងសមាជិកនៃក្រុមប្រឹក្សាសន្តិសុខ នៃអ.ស.ប. ។ ក៏ប៉ុន្តែ ប៉ាលេស្ទីននៅតែប្តេជ្ញាចិត្តបន្តសុំចូលជាសមាជិកនៃអង្គការសហប្រជាជាតិដដែល។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:១១
ប៉ាលេស្ទីនបានដឹងជាមុនរួចហើយថា បេក្ខភាពរបស់ខ្លួនសុំចូលជាសមាជិកនៃអង្គការសហប្រជាជាតិនឹងត្រូវបដិសសេធ ដោយហេតុតែមានការប្រឆាំងពីសំណាក់សហរដ្ឋអាមេរិក។ សម្រាប់អ្នកតំណាងប៉ាលេស្ទីនលោក Riyad Mansour ដំណើរឆ្លងកាត់ក្រុមប្រឹក្សាសន្តិសុខនៃអង្គការសហប្រជាជាតិគឺជាដំណាក់ការទីមួយតែប៉ុណ្ណោះ។
អ្នកតំណាងប៉ាលេស្ទីនបានថ្លែងប្រាប់ទៀតថា “ការទទួលចូលជាសមាជិកនៃអង្គការ UNESCO បានន័យថា ប៉ាលេស្ទីនបានត្រូវគេទទួលស្គាល់ជាប្រទេសសមាជិកនៃប្រព័ន្ធអង្គការសហប្រជាជាតិរួចទៅហើយ។ ហើយប៉ាលេស្ទីនមានលក្ខណៈគ្រប់គ្រាន់នឹងក្លាយជាសមាជិកពេញសិទ្ធិនៃអង្គការសហប្រជាជាតិ”។
អ្នកតំណាងប៉ាលេស្ទីនលោក Riyad Mansour បានថ្លែងទៀតថា “ប៉ាលេស្ទីននឹងវិលត្រឡប់មករកក្រុមប្រឹក្សាសន្តិសុខនៃអង្គការសហប្រជាជាតិទៀត រហូតទាល់តែអ.ស.ប.ទទួលប៉ាលេស្ទីនចូលជាប្រទេសសមាជិកពេញសិទ្ធិនៃអង្គការសហប្រជាជាតិ”។
“ប៉ាលេស្ទីនពុំមែនជាប្រទេសទីមួយឡើយដែលពុំបានចូលជាសមាជិកនៃអង្គការសហប្រជាជាតិ នៅគ្រាដាក់បេក្ខភាពសុំចូលជាលើកដំបូង ប្រទេសអ៊ីស្រាអែលក៏ធ្លាប់បានស្គាល់ភាពជូចត់បែបនេះរួចហើយផងដែរ។ នេះជាការគូសបញ្ជាក់របស់ អ្នកតំណាងប៉ាលេស្ទីនលោក Riyad Mansour៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ