ក្រុមប្រឹក្សាសន្តិសុខចាប់ផ្តើមពិនិត្យសំណុំរឿងប៉ាលេស្ទីន
ក្រុមប្រឹក្សាសន្តិសុខអ.ស.ប. នៅថ្ងៃចន្ទម្សិលមិញ២៦កញ្ញា បានចាប់ផ្តើមពិនិត្យសំណូមពរប៉ាលេស្ទីនឱ្យទទួលស្គាល់ជារដ្ឋមួយដែលទំនងជាត្រូវទទួលបរាជ័យ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៥
ការពិភាក្សាជាដំបូងនេះបានកំណត់ការចាប់ផ្តើមដំណើរការមួយដែលប្រហែលជាត្រូវមានរយៈពេលយ៉ាងតិចជាច្រើនសប្តាហ៍។សមាជិកក្រុមប្រឹក្សាសន្តិសុខបានបែកគ្នា បន្ទាប់ពីបានពិភាក្សាមួយម៉ោងមក។អ្នកតំណាងប្រទេសលីបង់ជាប្រធានក្រុមប្រឹក្សាសន្តិសុខប្រចាំខែកញ្ញានេះបានថ្លែងថា ក្រុមប្រឹក្សាសន្តិសុខនឹងរួមប្រជុំគ្នាជាផ្លូវការ នៅថ្ងៃពុធស្អែក ដើម្បីផ្ទេរសំណុំរឿងនៃសំណូមពរប៉ាលេស្ទីនទៅឱ្យគណៈកម្មាធិការទទួលបន្ទុកពិនិត្យពាក្យសុំចូលជាសមាជិកអ.ស.ប.។
អ្នកតំណាងប៉ាលេស្ទីនប្រចាំនៅអ.ស.ប.សង្ឃឹមថា ក្រុមប្រឹក្សាសន្តិសុខនឹងពិនិត្យពាក្យសុំចូលនេះជាវិជ្ជមាន។ ប្រទេសមួយចំនួននឹងធ្វើការគាបសង្កត់ខ្លាំងណាស់ទៅលើសមាជិកនៃក្រុមប្រឹក្សាសន្តិសុខ ប៉ុន្តែយើងគិតថា មានមិត្តភក្តិច្រើន នៅក្នុងក្រុមប្រឹក្សាសន្តិសុខ។ យើងសង្ឃឹមថានឹងទទួលសំឡេងគាំទ្របាន៩ក្នុងចំណោមសមាជិកទាំង១៥នៃក្រុមប្រឹក្សាសន្តិសុខជាចំនួនតិចបំផុត ដើម្បីអនុម័តសេចក្តីសំរេចចិត្តមួយ។ ការនេះគឺជាជ័យជំនះមួយខាងផ្លូវចិត្ត។
ការបោះឆ្នោតប្រឆាំងរបស់ស.រ.អា.នឹងធ្វើឱ្យការទូតអាមេរិកាំងជួបក្តីកង្វល់ហើយប្រហែលអាចនឹងបង្កបំផុសចលាចលប្រឆាំងនឹងអាមេរិក នៅក្នុងពិភពអារ៉ាប។
មានតែ៦ប្រទេសជាសមាជិកក្រុមប្រឹក្សាសន្តិសុខទំនងជាបោះឆ្នោតគាំទ្រការបង្កើតរដ្ឋប៉ាលេស្ទីន។ប្រទេសបួននៃសហភាពអឺរ៉ូបប្រហែលជាបោះឆ្នោតអនុបវាទឬក៏ប្រឆាំង។ប្រទេសBosnie Colombie GabonនិងNigéria ពុំទាន់បានប្រកាសឱ្យដឹងសេចក្តីសំរេចចិត្តរបស់ខ្លួននៅឡើយនិងត្រូវភាគីទាំងពីរខំយកចិត្តយកថ្លើម។
នៅសប្តាហ៍មុន អន្តរការីទាំងបួនភាគីគឺស.រ.អា. រុស្ស៊ី សហភាពអឺរ៉ូបនិងអ.ស.ប. ដើម្បីដើមបូព៌ាបានស្នើឱ្យភាគីអ៊ីស្រាអែលនិងប៉ាលេស្ទីនទទួលយកក្របខ័ណ្ឌមួយនៃកិច្ចចរចាឡើងវិញ ប្រកបដោយក្តីសង្ឃឹមជួបទាក់ទងគ្នាដោយផ្ទាល់ឡើងវិញនិងបំភ្លេចចោលទៅពាក្យសុំរបស់លោកប្រធានរដ្ឋអំណាចប៉ាលេស្ទីនMahmoud Abbas កាលពីថ្ងៃសុក្រមុនឱ្យទទួលស្គាល់រដ្ឋប៉ាលេស្ទីន។
ភាគីប៉ាលេស្ទីនបាននិយាយរួចហើយថា ខ្លួននឹងពុំយល់ព្រមទទួលយកសំណើរបស់អន្តរការីចតុភាគីឱ្យចរចាឡើងវិញទេ ប្រសិនបើអ៊ីស្រាអែលនឹងមិនបិទបញ្ចប់នយោបាយខ្លួនធ្វើអាណានិគមកិច្ចនោះទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ