នាយករដ្ឋមន្ត្រីបើកសិទ្ធិធ្វើបាតុកម្មឡើងវិញ ប៉ុន្តែ អ្នកធ្វើបាតុកម្មអាចប្រឈមដាក់គ្នាកាន់តែខ្លាំង
ចុះផ្សាយនៅថ្ងៃ៖
ស្តាប់ - ១០:២៣
ការបើកសិទ្ធិធ្វើបាតុកម្មឡើងវិញ ត្រូវបានប្រកាសដោយលោកនាយករដ្ឋមន្ត្រី ហ៊ុន សែន កាលពីម្សិលមិញ ក្នុងពិធីសម្ពោធរោងចក្រអគ្គិសនី ដើរដោយធ្យូងថ្ម នៅឯខេត្តព្រះសីហនុ។ ការបើកឲ្យសិទ្ធិធ្វើបាតុកម្មឡើងវិញនេះបានធ្វើឡើង បន្ទាប់ពីក្រសួងមហាផ្ទៃប្រកាសឱ្យប្រជាជនផ្អាកការប្រមូលផ្តុំគ្នាអស់រយៈពេលជិតពីរខែ។ ប៉ុន្តែ បើស្តាប់តាមលោកនាយករដ្ឋមន្ត្រី ម្តងនេះ បើបក្សប្រឆាំងសុំធ្វើបាតុកម្ម អ្នកគាំទ្របក្សកាន់អំណាចក៏សុំធ្វើដូចគ្នាដែរ។ ក្រោយការប្រកាសរបស់នាយករដ្ឋមន្ត្រីភ្លាម ក្រៅពីការគាំទ្រ មន្ត្រីរដ្ឋាភិបាលក៏បាននិយាយអំពីការគោរពច្បាប់ ការទទួលខុសត្រូវ និងតួនាទីរបស់អាជ្ញាធរសាធារណៈទាក់ទងនឹងបាតុកម្មដែរ។ ដោយឡែក មន្ត្រីសិទ្ធិមនុស្សបានសំណូមពរឲ្យបាតុកម្មត្រូវធ្វើនៅកន្លែងផ្សេងគ្នា ហើយតំណាងរាស្ត្របានអំពាវនាវប្រជាជនខ្មែរកុំចេញប្រឆាំងគ្នា។