លោក ហង្ស ពុទ្ធា៖«ការបោះឆ្នោតអសកល នៅថ្ងៃអាទិត្យនេះ គ្មានអំពើហិង្សា អ្នកបោះឆ្នោត បង្ហាញឆន្ទៈពិត»
ចុះផ្សាយនៅថ្ងៃ៖
ស្តាប់ - ១១:១៨
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក ហង្ស ពុទ្ធា នាយកប្រតិបត្តិអង្គការឃ្លាំមើលការបោះឆ្នោតនៅកម្ពុជា ហៅកាត់ថា នីកហ្វិក។ លោក ហង្ស ពុទ្ធា បានវាយតំលៃជាបឋមថា ការបោះឆ្នោតអសកលនៅថ្ងៃអាទិត្យនេះ គ្មានអំពើហិង្សា គ្មានភាពមិនប្រក្រតី កើតឡើងនោះទេ ហើយថា អ្នកបោះឆ្នោតបើទោះបីជាមកពីគណបក្សណាក៍ដោយ ប៉ុន្តែពួកគេ បានបង្ហាញឆន្ទៈពិតៗ ក្នុងការគាំទ្រទៅលើគណបក្សដែលខ្លួនពេញចិត្ត។ យ៉ាងណាក៍ដោយ លោក ហង្ស ពុទ្ធា មានសុទ្ទិដ្ឋិនិយមថា ឆ្លងកាត់ការបោះឆ្នោតនេះទៅ សមាជិកក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី២នេះ នឹងមានឥទ្ធិពលច្រើន នៅក្នុងការចូលរួមសំរេចចិត្តនានា សំដៅបំរើផលប្រយោជន៍ ជូនប្រជាពលរដ្ឋនៅមូលដ្ឋាន តែមិនមែនបំរើផលប្រយោជន៍របស់បក្សនោះទេ។