លោកទេព នីថា៖ ការបោះឆ្នោតក្រុមប្រឹក្សា បែបអសកល តែជាការបោះឆ្នោតសម្ងាត់
ចុះផ្សាយនៅថ្ងៃ៖
ភ្ញៀវប្រចាំថ្ងៃ របស់វិទ្យុបារាំង RFI នៅថ្ងៃសៅរ៍នេះ គឺលោក ទេព នីថា អគ្គលេខាធិការគ.ជ.ប។ លោក ទេព នីថា បានឲ្យដឹងថា ការបោះឆ្នោតជ្រើសរើសក្រុមប្រឹក្សារាជធានី ខេត្ត ក្រុង ស្រុក ខណ្ឌ អាណត្តិទី២ នាថ្ងៃអាទិត្យ ទី១៨ ខែឧសភា ឆ្នាំ២០១៤ ជាការបោះឆ្នោតបែបអសកល ដែលមានតែសមាជិកក្រុមប្រឹក្សាឃុំសង្កាត់ ក្នុងតំណែង សរុបចំនួន ១១៤៥៩ នាក់ ប៉ុណ្ណោះ ជាអ្នកបោះឆ្នោត។ ប៉ុន្តែតាមច្បាប់ និងតាមគោលការណ៍ ដែលគ.ជ.បរៀបចំ គឺការបោះឆ្នោត នៅថ្ងៃអាទិត្យ ទី១៨ឧសភា ជាការបោះឆ្នោតជាសម្ងាត់ ដែលអ្នកបោះឆ្នោតម្នាក់ៗ មានសិទ្ធិ ធ្វើការសម្រេចចិត្ត ជ្រើសរើសគណបក្សនយោបាយ ដែលគាត់ពេញចិត្ត។