ម៉ូស្គូសង្ឃឹមមានទំនាក់ទំនង”ធម្មតា”ជាមួយរដ្ឋបាលថ្មីនៅអាមេរិក
លោកប្រធានាធិបតីរុស្ស៊ី វ៉្លាឌីមៀរ ពូទីន បានសំដែងម្តងទៀតនូវសេចក្តីសង្ឃឹមថា អាចកសាងទំនាក់ទំនង“ស្រួលបួលធម្មតា“ ជាមួយសហរដ្ឋអាមេរិកក្រោយពីលោក ដូណាល់ ត្រាំឡើងជាចៅហ្វាយថ្មីនៃសេតវិមានក្រុងវ៉ាស៊ីនតោន។សេចក្តីថ្លែងការណ៍នេះ ត្រូវបានប្រមុខរដ្ឋរុស្ស៊ីធ្វើរសៀលម្សិលមិញ នៅវិមានក្រិមឡាំងក្នុងសន្និសីទកាសែតរួមជាមួយប្រធានាធិបតីម៉ុលដាវីឈ្នះឆ្នោតពេលថ្មីៗដោយសារគោលជំហររុស្ស៊ីនិយមរបស់គាត់ហើយគាត់កំពុងបំពេញទស្សនកិច្ចជាលើកទី១នៅម៉ូស្គូបើគិតក្នុង ៩ឆ្នាំចុងក្រោយ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៦
តបនឹងសំនួរអ្នកកាសែតម្នាក់ដែលចោទឡើងក្នុងសន្និសីទសារពត៌មាននេះលោក ប្រមុខរដ្ឋរុស្ស៊ីពូទីនលំអិតថា ៖ ខ្ញុំមិនធ្លាប់ស្គាល់មិនធ្លាប់ជួបលោក ដូណាល់ ត្រាំ សោះឡើយហើយខ្ញុំក៏មិនដឹងតើគាត់នឹងធ្វើអ្វីលើឆាកអន្តរជាតិ។ ម៉្លោះហើយបានជាខ្ញុំគ្មានលេសអ្វីណានឹងវាយប្រហារលើគាត់ទិតៀនគាត់ឫការពារគាត់។ លោកពូទីន បាននិយាយសាឡើងវិញថា ពាក្យចចាមអារ៉ាមហាក់បីម៉ូស្គូមានវីដែអូស្អីណាសម្រាបប់ង្ខូចឈ្មោះលោក ត្រាំនិងប្រើវីដេអូនេះ ជាសម្ពាធលើរូបគាត់គឺជារឿង”ប្រឌិត”សុទ្ធសាធ។
ក្នុងសន្និសីទកាសែតថ្ងៃអង្គារ១៧មករានោះ លោកពូទីនបានបដិសេធច្រានចោលដំណឹងផ្សព្វផ្សាយដោយមធ្យោបាយឃោសនាមហាជនអាមេរិកាំងដែលថាទីភ្នាក់ងារស៊ើបការណ៍សម្ងាត់រុស្ស៊ីបានតាមដានយកការណ៍ពីអនាគតប្រធានាធិបតីអាមេរិកាំងនោះពេលគាត់វត្តមាននៅម៉ូស្គូកាលពីប៉ុន្មានឆ្នាំមុន។
តាមប្រសាសន៍លោកពូទីនពេលគាត់មកកាន់ក្រុងម៉ូស្គូ ក្នុងខែវិច្ឆិកាឆ្នាំ២០១៣ លោក ដូណាល់ ត្រាំ“គ្រាន់តែជាអ្នកជំនួញម្នាក់ជាមហាសេដ្ឋីម្នាក់ក្នុងចំណោមអ្នកមានទ្រព្យសម្បត្តិស្តុកស្តម្ភជាងគេនៅស.រ.អា.។ ហើយបើនរណាម្នាក់យល់ថាទីភ្នាក់ងារស៊ើបការណ៍សម្ងាត់របស់រុស្ស៊ីចេះតែតាមដានយកការណ៍ពីគ្រប់តែមហាសេដ្ឋីអាមេរិកាំងដែលមានលុយរាប់ពាន់លានដុល្លារអ្នកនោះឯងគឺ លង់ខ្លួនក្នុង”គំនិតរវើរវាយ”តែម្តង។
មេដឹកនាំរុស្ស៊ី ក៏ថ្លែងថាពពួកជនដែលកុម្ម៉ង់ដំណឹងក្លែងក្លាយបែបនេះ សម្រាប់ផ្សព្វផ្សាយប្រឆាំងនឹងប្រធានាធិបតីឈ្នះឆ្នោតនៅស.រ.អា. ប្រឌិតវាចេញមក ដើម្បីប្រើវាក្នុងការប្រយុទ្ធនយោបាយគឺអន់ជាងស្ត្រីពេស្យាទៅទៀត។ សម្រាប់ពួកគេនោះគឺគ្មានទេព្រំដែនសីលធម៌។ រុស្ស៊ីផ្ទាល់តែងប៉ះទង្គិចជារឿយៗនឹងពួកជនប្រភេទនេះដែលជាគូប្រឆាំងរបស់ខ្លួន។
ទោះយ៉ាងណាក្តី ក៏លោកពូទីនសង្ឃឹមថា សុភនិច្ឆ័យគង់នឹងដកកំពស់ឈ្នះ ហើយទំនាក់ទំនងរវាងរុស្ស៊ីនិងស.រ.អា. មុខជានឹងវិវឌ្ឍទៅតាមចរន្តជាប្រក្រតីធម្មតា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ