លោក អូបាម៉ា ទទួលជួបលោកស្រីមែគែល ខណៈវិបត្តិអ៊ុយក្រែនកាន់តែផុងជ្រៅទៅ
ប្រធានាធិបតីសហរដ្ឋអាមេរិក លោក បារ៉ាក់ អូបាម៉ា បានទទួលរៀបចំជំនួបជាមួយ លោក ស្រី អធិការបតី អង់គែឡា មែគែល នៅឯសីតវិមាននៅថ្ងៃចន្ទនេះ ក្នុងឱកាសដែល អំពើហឹង្សាដ៏អាក្រក់នៅអ៊ុយក្រែន កំពុងតែធ្វើអោយមានការសម្រេចយ៉ាងប្រឈមគ្នាមួយ រវាងការបន្ថែមអាវុធទៅតំបន់សង្គ្រាម និង កិច្ចព្រមព្រៀងសន្តិភាពយ៉ាងប្រថុយប្រថានមួយ។
ចុះផ្សាយនៅថ្ងៃ៖
ស្តាប់ - ០១:៣០
ដំនើរទស្សនកិច្ចរបស់ លោកស្រីអធិការបដីអាល្លឺម៉ង់ គឺជាការជួបគ្នាតទល់មួយទល់នឹងមួយជាមួយមេដឹកនាំអាមេរិក ក្នុងឱកាសដែលភាពផ្ទុយគ្នា កំពុងតែកើនឡើងជុំវិញដំណោះស្រាយបញ្ឈប់ការបង្ហូរឈាមរវាងរដ្ឋាភិបាលក្រុងគៀវប្រទេសអ៊ុយក្រែន និង ក្រុមឧទ្ទាមគាំទ្រដោយរុស្ស៊ី។
នៅក្នុងប្រទេស លោក អូបាម៉ាកំពុងតែប្រឈមនឹងការទាមទារអោយមានការបង្កើនការបញ្ជូនអាវុធទៅកាន់សមរភូមិនៅអ៊ុយក្រែន ដើម្បីគាំទ្រយោធាអ៊ុយក្រែន ក្នុងការតបតនឹងក្រុមឧទ្ទាមនៅភាគខាងកើតប្រទេសអ៊ុយក្រែន។
ចំនែក លោកស្រី មែគែល និង ប្រជាជាតិអឺរ៉ុបជាច្រើនវិញជឿជាក់ថា អាវុធមិនអាចដោះស្រាយបញ្ហារវាងអ៊ុយក្រែន និង ក្រុមសកម្មប្រយុទ្ធដែលទំនងជាទទួលការគាំទ្រពីរុស្ស៊ីបាននោះទេ។ លើសពីនេះ វាទំនងជាអាចនឹងបញ្ឆេះអំពើហឹង្សាកាន់តែខ្លាំងឡើង ដែលក្នុងរយៈពេលមិនដល់មួយឆ្នាំផង ជម្លោះនេះបានឆក់យកជីវិតមនុស្សដល់ទៅ ៥ពាន់៤រយនាក់។
ជំនួសអោយការប្រើប្រាស់អាវុធ លោកស្រី មែគែល បានប្រឹងប្រែងស្វែងការចរចាកំនត់កិច្ចព្រមព្រៀងសន្តិភាពមួយ ជាមួយនឹងប្រធានាធិបតីរុស្ស៊ីលោក វ្លាឌីមៀពូទីន។ លោកស្រីនិង ប្រធានាធិបតីបារាំងកាលពីសប្តាហ៍មុនបានទៅកាន់ក្រុងមូស្គូប្រទេសរុស្ស៊ី ដើម្បីពិភាក្សាអំពីបញ្ហានៅអ៊ុយក្រែន។ ជំនួបប្រជុំកំពូលមួយ ដែលរួមមានការចូលរួមពី មេដឹកនាំ អ៊ុយក្រែន អាល្លឺម៉ង់ បារាំង និងរុស្ស៊ី អាចនឹងប្រព្រឹត្តិទៅចុងសប្តាហ៍នេះ បន្ទាប់ពីលោកស្រីមែគែលចាកចេញពីក្រុងវ៉ាស៊ីនតោន។
សន្និសីទសារពត៌មានមួយត្រូវបានរំពឹងថានឹងត្រូវធ្វើឡើង បន្ទាប់ពីកិច្ចប្រជុំរវាងលោក អូបាម៉ា និង លោកស្រី មែគែល ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ