កង្វះហ្វ្រេកង់បន្ថែមឱ្យវិទ្យុសំបុកឃ្មុំ អាចដោយសារនិន្នាការនយោបាយរបស់ក្រសួងព័ត៌មាន
ចុះផ្សាយនៅថ្ងៃ៖
ស្តាប់ - ១០:៥៥
ការមិនផ្តល់អាជ្ញាប័ណ្ណបន្ថែមឱ្យវិទ្យុសំបុកឃ្មុំពង្រីកការផ្សាយ និងបង្កើតទូរទស្សន៍ថ្មី បានបង្កបាតុកម្ម និងការបង្ក្រាបបាតុកម្មជាថ្មីម្តងទៀត នៅថ្ងៃចន្ទម្សិលមិញ។ បាតុករ ដែលគាំទ្រវិទ្យុនេះ នៅតែចិញ្ចឹមចិត្តចុះថ្នល់ជាថ្មី ដើម្បីទាមទារអាជ្ញាប័ណ្ណ ដែលក្រសួងព័ត៌មានមិនព្រមផ្តល់ឱ្យ ដោយសារបញ្ហាបច្ចេកទេស។ ប៉ុន្តែ ទាំងលោក ម៉ម សូណង់ដូ ប្រធានវិទ្យុសំបុកឃ្មុំ ទាំងអ្នកតាមដានស្ថានការណ៍ សុទ្ធតែអះអាងថា ការសម្រេចរបស់ក្រសួងព័ត៌មានគឺផ្អែកលើបញ្ហានយោបាយទាំងស្រុង ទោះបីជាមន្ត្រីរដ្ឋាភិបាលប្រកែកក៏ដោយ។ អ្នកតាមដានស្ថានការណ៍ទទូចឱ្យស្ថាប័នរដ្ឋមានគោលការណ៍ច្បាស់លាស់ អំពីវិស័យសោតទស្សន៍។
