លោកឆាយ សុផល៖ ឥស្សរជននយោបាយបច្ចុប្បន្ន គួរតែផ្តល់សេចក្តីគោរពចំពោះលោកប៉ែន សុវណ្ណ
ចុះផ្សាយនៅថ្ងៃ៖
ស្តាប់ - ១៣:៤១
លោកប៉ែន សុវណ្ណ ជាសមាជិករដ្ឋសភា និងជាអតីតនាយករដ្ឋមន្ត្រីក្នុងសម័យសាធារណរដ្ឋប្រជាមានិតកម្ពុជា បានទទួលមរណភាពនៅថ្ងៃទី២៩ ខែតុលា ឆ្នាំ២០១៦ ក្នុងជន្មាយុ៨០ឆ្នាំ ដោយរោគាពាធ។ ភ្ញៀវប្រចាំថ្ងៃរបស់វិទ្យុបារាំងអន្តរជាតិនៅរាត្រីនេះ គឺលោកឆាយ សុផល ជាអ្នកនិពន្ធសៀវភៅ “នាយករដ្ឋមន្ត្រីខ្មែរទាំង៣៦រូបជានរណា?” សៀវភៅនេះក៏បានរៀបរាប់ពីប្រវត្តិរបស់លោកប៉ែន សុវណ្ណផងដែរ។ លោកឆាយ សុផល បានសំនូមពរឲ្យឥស្សរជននយោបាយបច្ចុប្បន្នគួរតែផ្តល់សេចក្តីគោរពចំពោះលោកប៉ែន សុវណ្ណ។ លោកថាបច្ចុប្បន្ននេះ បើទោះបីជាអ្នកណាជាអមិត្ត ឬក៏ជាសត្រូវនឹងគ្នា គួរតែអហោសិកម្មឲ្យគ្នា ហើយបើមានពេលគួរតែទៅគោរពវិញ្ញាណក្ខន្ធរបស់គាត់ ក្នុងនាមជាបុគ្គលសំខាន់៕