អាកាសយាន្តដ្ឋានភ្នំពេញ-សៀមរាប នឹងមានអ្នកធ្វើដំណើរជិត១០លាននាក់ នៅឆ្នាំ២០២០
លេខាធិការដ្ឋានអាកាសចរស៊ីវិល កម្ពុជា នៅថ្ងៃចន្ទ ទី២០ កក្កដានេះ បានបើកកិច្ចប្រជុំថ្នាក់តំបន់ជាមួយប្រទេសឡាវ និងវៀតណាម ដើម្បីពង្រឹងសមត្ថភាពប្រើប្រាស់ប្រព័ន្ធនាំផ្លូវហោះហើរនឹងគ្រប់គ្រង់ចរាចរផ្លូវអាកាសថ្មីដើរតាមផ្កាយរណប។ ក្នុងកិច្ចប្រជុំដែលធ្វើឡើងភ្នំពេញនេះ កម្ពុជាបានបញ្ជាក់ថា អាកាសយាន្តដ្ឋានអន្តរជាតិភ្នំពេញ និងសៀមរាប នឹងមានមនុស្សធ្វើដំណើរឆ្លងកាត់ប្រមាណជិត១០លាននាក់។
ចុះផ្សាយនៅថ្ងៃ៖
ស្តាប់ - ០១:៤៣
នៅឆ្នាំ២០២០ ខាងមុខ អាកាសយានដ្ឋានអន្តរជាតិភ្នំពេញនឹងមានអ្នកដំណើរឆ្លងកាត់ប្រមាណ៤,២លាននាក់ ចំណែកឯខេត្តសៀមរាប នឹងមានអ្នកដំណើរឆ្លងកាត់៥នាក់។ នេះគឺជាការសិក្សាដែលប្រកាសដោយលេខាធិការដ្ឋានអាកាសចរកម្ពុជា។ លេខាធិការដ្ឋានអាកាសចរស៊ីវិល បានឱ្យដឹងបន្ថែមថា កម្ពុជាបាននឹងកំពុងសាងសង់ពង្រីកចំណតអ្នកដំណើរសម្រាប់ឆ្នាំ២០១៦ខាងមុខ អំឡុងពេលដែលអ្នកដំណើរនៅអាកាសយានដ្ឋានបានកើនឡើងនាពេលបច្ចុប្បន្ន។ បន្ថែមពីនេះ វិស័យដឹកជញ្ជូនផ្លូវអាកាសកម្ពុជាកាលពីឆ្នាំ២០១៤ មានចំនួន៥,៧ លាននាក់ដែលបានកើនឡើងចំនួនជាង១២,៤% បើប្រៀបធៀបនឹងឆ្នាំ២០១៣។
ការបង្ហាញទូរលេខពីអាកាសចរស៊ីវិលកម្ពុជានេះ គឺធ្វើឡើងក្នុងកិច្ចប្រជុំថ្នាក់តំបន់ឥណ្ឌូចិនដែលមានកម្ពុជា ឡាវ និងវៀតណាម។ ជាកិច្ចប្រជុំលើកទី៤ស្តីពីករណីការប្រើប្រាស់ប្រព័ន្ធនាំផ្លូវហោះហើរ និងការគ្រប់គ្រងចរាចរផ្លូវអាកាសថ្មី។ លោកសុខ អាន រដ្ឋមន្ត្រីទទួលបន្ទុកទីស្តីការគណៈរដ្ឋមន្ត្រី បានលើកឡើងថា កិច្ចប្រជុំដែលធ្វើឡើងនៅភ្នំពេញនេះ នឹងនាំឱ្យក្រុមអាកាសចរកម្ពុជាទទួលបានការហោះហើរ ដើរដោយផ្កាយរណបដែលធានានូវសុវត្ថិភាពខ្ពស់ និងចំណេញទឹកប្រាក់ជាថវិកាពីការប្រើប្រាស់ប្រេងឥន្ទនៈប្រមាណជាង១,១លានដុល្លារអាមេរិក។
ក្នុងគម្រោងបណ្តុះបណ្តាលពង្រឹងសមត្ថភាពវិស័យអាកាសចរស៊ីវិលកម្ពុជា មនុស្សប្រមាណជិត៣រយនាក់ត្រូវបណ្តុះបណ្តាល។ គម្រោងពង្រឹងវិស័យអាកាសចរនេះ បានបែងចែកជាពីដំណាក់កាលគឺពីឆ្នាំ២០១០ ដល់ឆ្នាំ២០១១ នឹងចាប់ពីឆ្នាំ២០១១ ដល់ឆ្នាំ២០១៥។
សូមបញ្ជាក់ថា វិស័យអាកាសចរណ៍ស៊ីវិលកម្ពុជាត្រូវបានគេមើលឃើញថា នៅមិនទាន់មានការរីកចម្រើនគួរឱ្យកត់សម្គាល់នៅឡើយប្រើប្រៀបធៀបទៅនឹងប្រទេសអាស៊ានចាស់ៗ និងប្រទេសអន្តរជាតិ។ យ៉ាងណាក៏ដោយ លេខាធិការដ្ឋានអាកាសចរស៊ីវិល បានអះអាងថា ការប្រើប្រាស់ប្រព័ន្ធបចេ្ចកវិទ្យានាំផ្លូវនេះ គឺអាចកាត់បន្ថយការពន្យាពេលនៃការហោះហើរ និងកាត់បន្ថយហានិភ័យពេលហោះហើរក្រោមកម្រិតលេខ៣៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ