ព្រឹត្តិការណ៍កម្ពុជាប្រចាំថ្ងៃ
ការពន្យារពេលចុះឈ្មោះបោះឆ្នោត ១ថ្ងៃរបស់ គ.ជ.ប រងការរិះគន់ដូចអត់ពន្យារ
ចុះផ្សាយនៅថ្ងៃ៖
ស្តាប់ - ១០:២៨
បន្ទាប់ពីជួបប្រជុំគ្នាអស់រយៈពេលមួយព្រឹក កាលពីថ្ងៃអង្គារម្សិលមិញ គណៈកម្មាធិការជាតិរៀបចំការបោះឆ្នោត (គ.ជ.ប) បានសម្រេចពន្យាពេលមួយថ្ងៃទៀត ដើម្បីធ្វើការចុះឈ្មោះបោះឆ្នោត។ ការសម្រេចនេះ បានធ្វើឡើងបន្ទាប់ពីមានសំណើពីក្រុមអង្គការសង្គមស៊ីវិល និងគណបក្សសង្គ្រោះជាតិ ដែលស្នើសុំពន្យាពេលពី ៣ថ្ងៃដល់ ៧ថ្ងៃ។ ជាលទ្ធផល គ.ជ.ប អនុញ្ញាតឲ្យមានការពន្យាពេលតែ ១ថ្ងៃគត់ ដោយយោងលើភាពចាំបាច់នៃបញ្ហាបច្ចេកទេស ថវិកា និងប្រក្រតីទិន ដែលស្ថាប័ននេះ មានភារកិច្ចត្រូវធ្វើបន្ថែមទៀត។
