ថវិកាជាតិឆ្នាំ២០១៦ រងការរិះគន់តិចតួចជាងមុន
ចុះផ្សាយនៅថ្ងៃ៖
ស្តាប់ - ០៩:០៦
ក្រសួងសេដ្ឋកិច្ចនិងហរិញ្ញវត្ថុ កាលពីថ្ងៃម្សិលមិញបានចូលខ្លួនឆ្លើយបំភ្លឺចំពោះមុខគណៈកម្មការទី២របស់រដ្ឋសភា ដែលជាគណៈកម្មការសេដ្ឋកិច្ច និងហិរញ្ញវត្ថុ។ រដ្ឋមន្ត្រីក្រសួងសេដ្ឋកិច្ចបានឆ្លើយបំភ្លឺចំពោះកំណើននៃការកើនឡើងថវិកាជាតិរហូតដល់៤ពាន់២រយលាននៅឆ្នាំ២០១៦។ ថវិកានេះបានកើនឡើងប្រមាណជា១៦%។ វិស័យការពារជាតិ និងសន្តិសុខ នៅតែនាំមុខគេក្នុងកញ្ចប់ថវិកា ខណៈដែលវិស័យសង្គមកិច្ចដែលមានការអប់រំ សុខាភិបាល និងរដ្ឋបាលទូទៅគឺជាអថិភាពទី២។ ទន្ទឹមនឹងការកើនឡើងនេះ អ្នកវិភាគបានលើកឡើងពីក្តីបារម្ភចំពោះការចាយវាយឱ្យមានតម្លាភាព និងការមិនលើកកម្ពស់វិស័យកសិកម្ម។ បើទោះបីជាបែបណាក៏ដោយ ក៏មានការអបអរសាទរមួយចំនួនដែរ។