នៅថ្ងៃនេះ គណបក្សប្រជាធិតេយ្យមូលដ្ឋាន បានទៅចុះបញ្ជីជាផ្លូវការនៅក្រសួងមហាផ្ទៃ។ វិទ្យុបារាំងអន្ដរជាតិបានឆ្លៀតឱកាសនេះជួបជជែកជាមួយលោក យ៉េង វីរៈ និងលោក សាម អ៊ីន ដែលជាប្រធាន និងអគ្គលេខាធិការនៃគណបក្សប្រជាធិបតេយ្យមូលដ្ឋាន ហៅកាត់ថា GDP។ ឆ្លើយនឹងសំណួររបស់វិទ្យុបារាំង លោក យ៉េង វីរៈ និងលោក សាម អ៊ីន បានរៀបរាប់ពីគោលនយោបាយមួយចំនួនរបស់ GDP ដែលខុសប្លែកពីគណបក្សផ្សេង។ មួយក្នុងចំណោមគោលនយោបាយនោះគឺ សមាជិក GDP នៅពេលសន្យាហើយ គឺត្រូវតែធ្វើឲ្យបាន បើពុំដូច្នោះទេ នឹងត្រូវប្រឈមមុខនឹងការព្រមាន ឬឈានដល់ការដកចេញពីមុខតំណែងថែមទៀតផង។
