លោក សុន ឆ័យ៖សង្គ្រោះជាតិនៅតែរក្សាជំហរដាក់ញត្តិសុំអន្តរាគមន៍ពីបរទេស
ចុះផ្សាយនៅថ្ងៃ៖
ស្តាប់ - ១៤:២៦
សាលាក្រុងភ្នំពេញបានប្រកាសនៅថ្ងៃសៅរ៍នេះថា នឹងមិនអនុញ្ញតឲ្យគណបក្សសង្គ្រោះជាតិដាក់ញត្តិទៅកាន់ស្ថានទូតប្រទេសហត្ថលេខីនៃសន្ធិសញ្ញាទីក្រុងប៉ារីស ទាំង៥និង សមាជិកអាស៊ានមួយចំនួននៅថ្ងៃចន្ទសប្ដាហ៍ក្រោយនោះទេ។ ប៉ុន្តែ លោក សុន ឆ័យ អះអាងថា គណបក្សសង្គ្រោះជាតិរក្សាជំហរនៅដដែលក្នុងការដាក់ញត្តិ ដោយគណបក្សមិនបានធ្វើការហែក្បួនអ្វីនោះទេ។ ក៏ប៉ុន្តែបើពលរដ្ឋចូលរួមគឺជាសិទ្ធិរបស់ពួកគេ។ ដោយឡែកទាក់ទងដំណើរការចុះឈ្មោះឆ្នោត លោក សុន ឆ័យ គូសបញ្ជាក់ថា លោក កឹម សុខា ប្រធានស្ដីទីគណបក្សសង្គ្រោះជាតិដែលកំពុងស្នាក់នៅទីស្នាក់គណបក្សនៅមិនទាន់គិតគូរពីលទ្ធភាពនៅក្នុងការចុះបោះឆ្នោតនៅឡើយទេ ព្រោះរូបកំពុងជាប់បណ្ដឹងរបស់តុលាការ។ ម្យ៉ាងទៀតដោយសារ ពេលវេលានៃការចុះឈ្មោះបោះឆ្នោតមានរយៈពេលរហូតដល់ទៅបីខែ៕
