អ្នកនាំពាក្យ៖ កម្ពុជាមិនអាចទម្លាក់ប្រាក់ ដើម្បីទប់តម្លៃសាំងដូចនៅប្រទេសថៃឡើយ
ចុះផ្សាយនៅថ្ងៃ៖
ស្តាប់ - ១១:៣៧
គិតត្រឹមថ្ងៃទី ២៤ ឧសភានេះ និន្នាការប្រេងឥន្ធនៈនៅលើពិភពលោក នៅតែបន្តហក់ឡើង ពោលគឺចន្លោះពី ៧៥ ដុល្លារ ទៅ ៨០ ដុល្លារ ក្នុងមួយបារ៉ែល។ និន្នាការនេះ បានធ្វើឲ្យតម្លៃប្រេងឥន្ធនៈនៅក្នុងប្រទេសកម្ពុជា ដែលជាប្រទេសនាំចូលប្រេង១០០%ពីអន្តរជាតិ កំពុងហក់ឡើងថ្លៃ ពោលគឺ ពី៤.១៥០ រៀល/លីត្រ កាលពីថ្ងៃទី ២១ ឧសភា ដល់៤.៣០០ រៀល/លីត្រ កាលពីថ្ងៃទី ២២ ឧសភា សម្រាប់ប្រេងសាំងធម្មតា។ ប្រឈមនឹងនិន្នាការបែបនេះ ក្រសួង៣នៃប្រទេសកម្ពុជា កំពុងរិះរកវិធានការដើម្បីទប់ទល់ ខណៈដែលអ្នកវិភាគសេដ្ឋកិច្ចបានផ្តល់យោបល់ថា រដ្ឋាភិបាលគួរចាប់យកវិធានការបន្ធូរបន្ថយពន្ធនាំចូល ដើម្បីរក្សាលំនឹងថ្លៃប្រេងធៀបនឹងប្រទេសជិតខាង។ តើហេតុអ្វី?
