អគ្គិសនីកម្ពុជា ចាប់ផ្តើមអនុវត្តការតបណ្តាញអគ្គិសនីដល់បន្ទប់ជួល
ចុះផ្សាយនៅថ្ងៃ៖
ស្តាប់ - ០៧:៥៧
ចាប់ពីថ្ងៃព្រហស្បតិ៍ ទី២៩មករានេះតទៅ អគ្គិសនីកម្ពុជាEDC ចាប់ផ្តើមអនុវត្តការតបណ្តាញអគ្គិសនីដល់បន្ទប់ជួលរបស់កម្មករ កម្មការិនី សិស្សនិស្សិត និងប្រជាពលរដ្ឋដែលស្នាក់នៅតាមបណ្តាផ្ទះជួលនានាក្នុងរាជធានីភ្នំពេញ។ ជំហានដំបូងនេះ ធ្វើនៅ ៣ ខណ្ឌ ក្នុង ៤ សង្កាត់ គឺខណ្ឌដង្កោ នៅសង្កាត់ដង្កោ ខណ្ឌមានជ័យ នៅសង្កាត់ចាក់អង្រែលើ និងសង្កាត់ចាក់អង្រែក្រោម និងខណ្ឌឫស្សីកែវ នៅសង្កាត់ទួលសង្កែ។ ក្រុមការងាររបស់ EDC ចុះជួបម្ចាស់ផ្ទះបន្ទប់ជួល និងតខ្សែដាក់កុងទ័រ សម្រាប់អ្នកជួលផ្ទះបន្ទប់ជួល អាចប្រើប្រាស់ភ្លើងអគ្គិសនី ក្នុងតម្លៃត្រឹមតែ ៦១០ រៀល ក្នុងមួយគីឡូវ៉ាត់ម៉ោង សម្រាប់អ្នកប្រើប្រាស់ក្រោម ៥០ គីឡូវ៉ាត់ម៉ោង ក្នុងមួយខែ។ ប៉ុន្តែសហជីពកម្មករ បារម្ភថា នៅពេលតម្លៃភ្លើងចុះថ្លៃ បែរជាម្ចាស់ផ្ទះជួល ឡើងថ្លៃបន្ទប់។ រីឯម្ចាស់ផ្ទះបន្ទប់ជួល ហាក់មិនពេញចិត្តនឹងយន្តការថ្មីរបស់ EDC នោះទេ តែមិនមានជំរើស។
