លោក ឃាង ភារម្យ៖ សមត្ថកិច្ចនឹងចុះត្រួតពិនិត្យតាមកាស៊ីណូដើម្បីឲ្យប្រាកដថាល្បែងភ្នាល់តាមអនឡាញត្រូវបញ្ចប់ទាំងស្រុង
ចុះផ្សាយនៅថ្ងៃ៖
ស្តាប់ - ១០:៤៨
រដ្ឋបាលខេត្តព្រះសីហនុនៅថ្ងៃអង្គារនេះបានចេញសេចក្តីជូនដំណឹងជាលើកចុងក្រោយពីការបិទទាំងស្រុងលើអាជីវកម្មល្បែងភ្នាល់តាមអនឡាញនៅខេត្តទេសចរណ៍មួយនេះ។ អ្នកនាំពាក្យសាលាខេត្តជាប់មាត់សមុទ្រនេះ បានគូសបញ្ជាក់ថា សមត្ថកិច្ចនឹងចុះត្រួតពិនិត្យតាមកាស៊ីណូនីមួយៗដើម្បីឲ្យប្រាកដថាល្បែងភ្នាល់តាមអនឡាញដែលភាគច្រើនជនជាតិចិននិយមលេងនោះ ត្រូវបានបញ្ចប់ទាំងស្រុងចាប់ពីម៉ោងសូន្យយប់នេះតទៅ។ ដោយឡែកទាក់ទងនឹងកន្លែងស្នាក់នៅសម្រាប់ភ្ញៀវទេសចរណ៍ក្នុងឱកាសឆ្លងឆ្នាំសកលនេះវិញ អ្នកនាំពាក្យសាលាខេត្តព្រះសីហនុ អះអាងថា មិនខ្វះទៀតទេ តែតម្លៃវិញមានការប្រកួតប្រជែង។