តើជនជាតិចិនដែលចាកចេញពីខេត្តព្រះសីហនុកាលពីពេលថ្មីៗនេះ នឹងត្រឡប់មកកម្ពុជាវិញទេ?
ចុះផ្សាយនៅថ្ងៃ៖
ស្តាប់ - ១០:២៥
កាលពីអំឡុងខែសីហាឆ្នាំនេះ ជនជាតិចិនរាប់ពាន់នាក់បាននាំគ្នាសម្រុកចាកចេញពីខេត្តព្រះសីហនុក្នុងមួយថ្ងៃៗ គឺបន្ទាប់ពីមានការបាក់រលំអាគារកម្ពស់៧ជាន់ និងគ្រាដែលខេត្តជាប់មាត់សមុទ្រនេះរងការជន់លិចដោយទឹកភ្លៀង ហើយក៏ស្របពេលដែលរដ្ឋាភិបាលបិទល្បែងអនឡាញតាមអ៊ីធឺណែត។ ការចាកចេញរបស់ជនបរទេសទាំងនេះបានធ្វើឲ្យអ្នករកស៊ីអចលនៈទ្រព្យជាច្រើនជួបនឹងបញ្ហាដោយសារមិនសូវមានចិនជួលផ្ទះឬជួលដី។ ប៉ុន្តែអាជ្ញាធរខេត្តនេះគូសបញ្ជាក់ថា ការដែលតម្រូវការជួលផ្ទះឬជួលដីឲ្យចិនថយចុះដោយសារតែចិនជាច្រើនបានប្តូរទៅរស់នៅលើអាគារដែលសាងសង់រួច។ ទាំងអាជ្ញាធរ និងអ្នកសេដ្ឋកិច្ច រំពឹងថា ក្រោយពីការចាកចេញរបស់ជនជាតិចិនដែលមកលេងតែល្បែងនោះ គឺនឹងមានជនបរទេសជាអ្នកវិនិយោគពិតប្រាកដមកជំនួសអ្នកដែលចាកចេញ។
