ថ្នាំAspirine មានប្រសិទ្ធិភាពជាថ្នាំ ការពារជំងឺមហារីក ?
ចុះផ្សាយនៅថ្ងៃ៖
ស្តាប់ - ០៨:០៣
ថ្នាំអាស្ពីរីន Aspirine ឬ acide acétylsalicylique ជាពពួកថ្នាំប្រឆាំងនឹងការរលាក អាចជួយបន្សាបការឈឺចុកចាប់ និងក្តៅខ្លួន។ ប៉ុន្តែ មិនខុសពីថ្នាំដទៃទៀតទេ ! ជាមួយនឹងគុណប្រយោជន៍នេះ ថ្នាំ l'aspirine ក៏អាចបង្កគ្រោះថ្នាក់ដល់ស្លាប់បាន ព្រោះថ្នាំមានផ្ទុកមូលេគុលពង្រាវឈាម។ ថ្នាំទោះបីជាសាមញ្ញយ៉ាងណាក៏ដោយ ក៏ត្រូវប្រើដោយប្រុងប្រយ័ត្នបំផុត។
ការសិក្សាចុងក្រោយទើបបានបញ្ជាក់កាន់តែច្បាស់អំពីគុណប្រយោជន៍នៃថ្នាំAspirine ថាមានសមត្ថភាពជាថ្នាំការពារប្រឆាំងនឹងជំងឺមហារីក ជាពិសេសមហារីកនៅពោះវៀនធំ។
លេបថ្នាំជាទៀតទាន់ ក្នុងរយៈពេលយូរៗទៅ អាចកាត់បន្ថយបានយ៉ាងច្បាស់លាស់ គ្រោះជួបជំងឺមហារីកពោះវផៀនធំ។ នេះបើតាមការសិក្សាពីរចុងក្រោយ ទើបចេញផ្សាយរបាយការណ៍របស់ខ្លួន ក្នុងទំព័រទស្សនាវដ្តីសុខភាពអាមេរិក Journal of the American Medical Association កាលពីថ្ងៃព្រហស្បតិ៍ទី ៣មីនា ២០១៦។
ក្រុមអ្នកស្រាវជ្រាវនេះបានលាតត្រដាងនិងបញ្ជាក់កាន់តែច្បាស់អំពីគុណប្រយោជន៍នៃថ្នាំប្រឆាំងនឹងការរលាក ដែលពិភពលោកស្គាល់យ៉ាងច្បាស់និងតាំងពីយូរមកថាមានសមត្ថភាពប្រឆាំងនឹងជំងឺមហារីក។ ប៉ុន្តែអ្នកស្រាវជ្រាវត្រូវការសិក្សាជាបន្ថែមទៀតសិន ក្នុងដំណាក់កាលនេះ ក្រុមគ្រូពេទ្យនៅមិនទាន់អាចចេញអនុសាសន៍ ជាលក្ខណៈទូទៅ ឱ្យប្រើប្រាស់ថ្នាំនេះជាថ្នាំការពារប្រឆាំងនឹងជំងឺមហារីកឡើយ។
តើAspirine ជាថ្នាំអ្វី ? មានបម្រើបម្រាស់ និងការប្រុងប្រយ័ត្នយ៉ាងណាខ្លះ ? សូមស្តាប់ប្រសាសន៍របស់លោកស្រី ឃុន វ៉ារី ឱសថការីខ្មែរម្នាក់នៅក្រុងប៉ារីស។
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ