លោកនាយករដ្ឋមន្ត្រីហ៊ុន សែន៖ អ្នកប្រឆាំង៧មករា គឺជាសម្ពន្ធ័ភាពជាមួយខ្មែរក្រហម
៧ មករា ជិតមកដល់ ទស្សនៈផ្ទុយគ្នាអំពីថ្ងៃប្រវត្តិសាស្ត្រនេះ បានលាន់លឺរំពងជាថ្មីម្តងទៀត។ ក្នុងឱកាសបើកការដ្ឋានសាងសង់អគារដ្ឋបាល សាលាខេត្តត្បូងឃ្មុំនាព្រឹកថ្ងៃចន្ទនេះ លោកនាយករដ្ឋមន្ត្រី ហ៊ុន សែន បានថ្លែងថា បើគ្មាន7មករា ក៏គ្មាន ថ្ងៃនេះដែរ ។ ប្រមុខដឹកនាំរដ្ឋាភិបាលគណបក្សកាន់អំណាចបានបញ្ជាក់ថា ថ្ងៃ7មករា មិនមែនជារបស់អ្នកណាម្នាក់ទេ តែវាជារបស់ប្រជាជនខ្មែរទូទៅនិងជាសច្ចៈធម៌ប្រវត្តិសាស្ត្រដែលគ្មានអ្នកណាអាចប្រកែកបាន។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០១:៥៣
លោក នាយករដ្ឋមន្ត្រីហ៊ុន សែន បានការពារជាថ្មីម្តងទៀតអំពី អត្ថនយ័នៃថ្ងៃ7មករា ដ៏ចម្រូងចម្រាស់។ លោក នាយករដ្ឋមន្ត្រី បានថ្លែងថា សូមក្រុមអ្នកប្រឆាំងរិះគន់ រំលឹកឡើងវិញ ដោយងាកមើលប្រវត្តិសាស្ត្រប្រទេសកម្ពុជា ដែលបានឆ្លងកាត់របបប្រលយ័ពូជសាសន៍។ លោក បានបន្តថា ប្រសិនបើ អង្គការចាត់តាំង និង យោធានៃ របបប៉ុល ពត មិនត្រូវផ្ដួលរលំទេ នោះ កម្ពុជាក៏មិនអាចមានសន្តិភាពរហូតមកដល់សព្វថ្ងៃនេះដែរ។
ប្រសាសន៍របស់លោកនាយករដ្ឋមន្ត្រី ហ៊ុន សែន
សូមបញ្ជាក់ថា ថ្ងៃទី ៧ មករា ជាថ្ងៃដែលកងទព័វៀតណាម និង គណបក្សប្រជាជនកម្ពុជា បានប្រកាសជយ័ជំនះលើកងទព័ ខ្មែរក្រហម ដែលប្រជាជនកម្ពុជានិងអន្តរជាតិទទួលស្គាល់ថាជារបបប្រលយ័ពូជសាសន៍។ ជារៀងរាល់ឆ្នាំ ៧មករា តែងតែក្លាយជាមធ្យោបាយឃោសនារបស់បក្សកាន់អំណាចនៅក្នុងការបោះឆ្នោតម្តងៗ។ គណបក្សប្រជាជនកម្ពុជាចាត់ទុកជ័យជំនះ ៧ មករា ឆ្នាំ១៩៧៩ ថាបានធ្វើឱ្យប្រជាជនកម្ពុជា មានអ្វីៗនៅថ្ងៃនេះ និងមានអនាគតប្រកបដោយក្តីសង្ឃឹម។
ប៉ុន្តែ អស់រយៈពេល ៣៦ឆ្នាំហើយ ក្រុមអ្នកប្រឆាំង តែងតែរិះគន់អំពី ថ្ងៃ៧មករា នេះ ដោយចាត់ទុកថាជាថ្ងៃដែលកងទ័ពវៀតណាមចូលឈ្លានពានប្រទេសកម្ពុជា តាមរយៈការលើកបន្តុបថ្នាក់ដឹកនាំគណបក្សប្រជាជនកម្ពុជា ឲ្យដឹកនាំប្រទេស ចាប់តាំងពីឆ្នាំ១៩៧៩មក។ យ៉ាងណាក៏ដោយ គណបក្សកាន់អំណាចនៅតែប្រារព្ធទិវាថ្ងៃ៧មករាដោយចាត់ទុកជាថ្ងៃផ្តល់កំណើតទី២ដល់ប្រជាជនកម្ពុជា។ ៧មករាក៏ត្រូវបានចាត់ទុកជាថ្ងៃបុណ្យជាតិនិងជាថ្ងៃឈប់សម្រាកផងដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ