ផ្សារទំនើបអ៊ីអនម៉លរបស់ជប៉ុននៅភ្នំពេញបើកសម្ពោធជាផ្លូវការ
ផ្សារទំនើបជប៉ុន អ៊ីអន ម៉ល (AEON Mall) ក្នុងទីក្រុងភ្នំពេញត្រូវបានបើកសម្ពាធជាផ្លូវការហើយនៅព្រឹកថ្ងៃចន្ទទី៣០ខែមិថុនានេះ ក្រោមអធិបតីភាពលោកនាយករដ្ឋមន្ត្រី ហ៊ុន សែន និងរដ្ឋមន្ត្រីការបរទេសជប៉ុន លោក ហ្វូមីអូ គីស៊ីដា (Fumio KHISIDA)។
ចុះផ្សាយនៅថ្ងៃ៖ កែប្រែថ្ងៃទី៖
នេះគឺជាផ្សារទំនើបជប៉ុនដំបូងបំផុតនៅកម្ពុជា ដែលមានទឹកប្រាក់វិនិយោគជាង ២០០ លានដុល្លារអាមេរិក និងផ្តល់ការងារដល់បុគ្គលិកខ្មែរចំនួនជាង ២០០០ នាក់។ ផ្សារ AEON មាន មានលក្ខណៈពិសេសជាច្រើនដែលពុំធ្លាប់មានដូចជាការប្រមូលផ្តុំនូវហាងម៉ាកទំនិញល្បីៗ ដូចជាហាងសំលៀកបំពាក់ ហាងកាហ្វេ ហាងបង្អែម ហាងរក្សាសម្ជស្ស ហាងសំភារៈកុមារដែលមានលក់ទំនិញម៉ាកល្បីៗនាំចូលមកពីប្រទេស ជប៉ុន សិង្ហបូរី ហុងកុង អេស្បាញ អង់គ្លេស និង ភីលីពីន ជាដើម។
លើសពីនេះទៅទៀតនោះ អ៊ីអនម៉លក៏បានបន្ថែមនូវរស់ជាតិថ្មីរបស់ភោជនីយដ្ឋានល្បីៗមកពីប្រទេសជប៉ុន និងបានផ្តល់នូវអាហារជាលក្ខណៈអន្តរជាតិបែបជប៉ុន កូរ៉េ ឥណ្ឌូនេស៊ី ម៉ាឡេស៊ី សិង្ហបុរី និងចិន ជាដើម។
ផ្សារ AEON ដែលមានទីតាំងស្ថិតនៅខាងត្បូងជាប់ស្ថានទូតរុស្ស៊ី ក្នុងទីក្រុងភ្នំពេញ ក៏មានកន្លែងកម្សាន្ត និងកន្លែងលេងកីឡាប៊ូលីងផងដែរ។ លោកនាយករដ្ឋមន្ត្រី ហ៊ុន សែន បានហៅផ្សារនោះថាជាផ្សារយក្សសម្រាប់កម្ពុជាហើយថា វត្តមាននៃផ្សារទំនើបដ៏ធំរបស់ជប៉ុននេះក៏បង្ហាញពីទំនុកចិត្តរបស់ជប៉ុនមលកើស្ថិរភាពនយោបាយកម្ពុជាផងដែរ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ