ផ្សារទំនើប AEON Mall របស់ជប៉ុនកំពុងទាក់ទាញអតិថិជនយ៉ាងច្រើនកុះករ
ចុះផ្សាយនៅថ្ងៃ៖
ស្តាប់ - ០៧:៤៩
ផ្សារទំនើបអ៊ីអនម៉ល ភ្នំពេញ គឺជាផ្សារលំដាប់ថ្នាក់អន្តរជាតិទីមួយ ដែលមានវត្តមាន នៅក្នុងប្រទេសកម្ពុជា។ មានទីតាំងក្បែរសណ្ឋាគារសូហ្វ៊ីតែល ស្ថិតក្នុងសង្កាត់ទន្លេបាសាក់ ខណ្ឌចំការមន ផ្សារទំនើបអ៊ីអនម៉ល បានបើកដំណើរការកាលពីថ្ងៃទី ២១ មិថុនា ចុងសប្តាហ៍មុន ។ ចាប់តាំងពីថ្ងៃបើកដំណើរការមក មានអតិថិជនគ្រប់វ័យជាច្រើនបានសម្រុកទៅកាន់ផ្សារខ្នាតអន្តរជាតិមួយនេះ។ អតិថិជនទាំងនោះបានអះអាងថា ដោយសារពួកគេចង់ដឹង ចង់ស្គាល់ ពីភាពទំនើបទាន់សម័យ របស់ផ្សារថ្មី ដែលទើបចាប់កំណើតលើទឹកដីខ្មែរនេះ ទើបជម្រុញឲ្យពួកគេមកកាន់ទីនេះ។ ផ្សារទំនើបអ៊ីអនម៉ល នឹងបើកសម្ពោធជាផ្លូវការនៅថ្ងៃទី ៣០ មិថុនា ខាងមុខនេះ។