ព្រឹត្តិការណ៍កម្ពុជាប្រចាំថ្ងៃ
ករណីប្លន់សម្លាប់នៅក្រុងភ្នំពេញ កំពុងទាញសញ្ញាអាសន្ននៃអសន្តិសុខសង្គម
ចុះផ្សាយនៅថ្ងៃ៖
ស្តាប់ - ១០:១១
ករណីប្លន់ប្រដាប់អាវុធនៅក្នុងទីក្រុងភ្នំពេញបានចាប់ផ្តើមកក្រើកឡើងវិញ ក្នុងរយៈពេលប៉ុន្មានថ្ងៃមកនេះ។ កាលពីថ្ងៃទី១១ធ្នូម្សិលម៉ិញនេះ ករណីប្លន់មួយបានកើតឡើងទាំងព្រឹកព្រលឹមស្រាងៗ នៅក្នុងខណ្ឌទួលគោក ដែលឈានទៅដល់បាញ់សម្លាប់ម្ចាស់ម៉ូតូម្នាក់ផង។ ករណីប្លន់នេះ កំពុងទាញអារម្មណ៍របស់ប្រជាពលរដ្ឋនៅក្នុងទីក្រុងភ្នំពេញ រួមទាំងភ្ញៀវទេសចរណ៍ផង ឲ្យភ័យខ្លាចពីសុវត្ថិភាពរបស់ពួកគេ។ យ៉ាងណាក៏ដោយ មន្រ្តីជាន់ខ្ពស់ក្រសួងមហាផ្ទៃបានអំពាវនាវឲ្យប្រជាពលរដ្ឋ និងអាជ្ញាធរសហការគ្នា ដើម្បីបង្រ្កាបករណីប្លន់ទាំងនោះ។