ជំនួបចរចាឯកជននៃគណបក្សទាំងពីរ មិនមានលទ្ធផល
ចុះផ្សាយនៅថ្ងៃ៖
ស្តាប់ - ០៨:០៦
ក្រោយការបែរខ្នងដាក់គ្នារវាងគណបក្សប្រជាជនកម្ពុជា និងគណបក្សសង្គ្រោះជាតិមួយរយៈមកគណបក្សទាំងពីរកាលពីម្សិលមិញបានចាត់តំណាងចូលតុចរចាឯកជនមួយ។ ប៉ុន្តែគណបក្សទាំងពីរមិនបានសម្រេចអ្វីធំដុំនោះទេ ព្រោះថាមិនមានលទ្ធផលអ្វីត្រូវបានប្រកាសនោះឡើយ។ គណបក្សសង្គ្រោះជាតិបានអះអាងបន្តនិយាយពីយន្តការកំណែទម្រង់ការបោះឆ្នោត រីឯបក្សកាន់អំណាចបានលើកឡើងថាជំនួបនេះ គឺដើម្បីបើកផ្លូវឱ្យមានជំនួបផ្លូវការហើយអាចឈានដល់ការព្រមព្រៀងជាកញ្ចប់នយោបាយដើម្បីបិទបញ្ចប់ជម្លោះ។ អ្នកវិភាគសង្គមស្នើឱ្យបក្សទាំងពីរប្រញាប់បញ្ចប់ជម្លោះផ្ទៃក្នុងដើម្បីឆក់យកឱកាសកសាងជាតិ ខណៈដែលប្រទេសជិតខាងកំពុងផ្ទុះជម្លោះ។