លោក សៅ សុភាព៖ កម្ពុជាចូលរួមចលនាការពារកំណើនទឹកសមុទ្រ បើទោះបីជាកម្ពុជាមិនទាន់ប្រឈមក្តី
ចុះផ្សាយនៅថ្ងៃ៖
ស្តាប់ - ១០:០៦
ភ្ញៀវប្រចាំថ្ងៃរបស់វិទ្យុបារាំងអន្តរជាតិ RFI នៅថ្ងៃនេះ គឺលោក សៅ សុភាព នាយកខុទ្ទកាល័យ និងជាអ្នកនាំពាក្យក្រសួងបរិស្ថាន។ ក្រសួងបរិស្ថាន ដែលបានរៀបចំប្រារព្ធទិវាបរិស្ថានជាតិ និងទិវាបរិស្ថានពិភពលោក នៅថ្ងៃទី៥ មិថុនានេះ ក្រោមប្រធានបទ «រួមគ្នាទប់ស្កាត់កំណើនកម្ពស់ទឹកសមុទ្រ» នៅឯខេត្តកែប។ លោក សៅ សុភាព បាននិយាយថា បើទោះបីជាបច្ចុប្បន្នកម្ពុជាមិនទាន់រងគ្រោះដោយសារកំណើនទឹកសមុទ្រក្តី តែកម្ពុជាត្រូវចូលរួមនៅក្នុងចលនាទប់ស្កាត់ការកើនឡើងនៃកម្ពស់ទឹកសមុទ្រដែលកំពុងប្រឈមសម្រាប់ប្រទេសមួយចំនួននៅលើពិភពលោក។ផ្ទុយស្រឡះពីក្រសួងបរិស្ថាន យុវជននៅក្នុងទីក្រុងភ្នំពេញឯណេះវិញ បានទាមទារឲ្យមានការទប់ស្កាត់ការកាប់បំផ្លាញព្រៃឈើ នៅក្នុងឳកាសនៃការប្រារព្ធទិវាបរិស្ថានជាតិនិងបរិស្ថានពិភពលោកនេះ។
