លោក ផៃ ស៊ីផាន៖ រដ្ឋាភិបាលកម្ពុជាមិនទាន់សម្រេចទទួលយកជនភៀសខ្លួនអូស្ត្រាលីនៅឡើយទេ
ចុះផ្សាយនៅថ្ងៃ៖
ស្តាប់ - ១២:២១
ភ្ញៀវប្រចាំថ្ងៃរបស់វិទ្យុបារាំងអន្តរជាតិ នៅថ្ងៃនេះ គឺលោក ផៃ ស៊ីផាន រដ្ឋលេខាធិការ និងជាអ្នកនាំពាក្យទីស្តីការគណៈរដ្ឋមន្ត្រី។ ឆ្លើយនឹងសំណួររបស់វិទ្យុបារាំងអន្តរជាតិ RFI លោក ផៃ ស៊ីផាន បានច្រានចោលចំពោះព័ត៌មានថា កម្ពុជាបានសម្រេចទទួលយកជនភៀសខ្លួនអូស្ត្រាលី ឲ្យមករស់នៅក្នុងប្រទេសកម្ពុជាហើយ។ តែលោក ផៃ ស៊ីផាន បានបញ្ជាក់ថា កម្ពុជាទើបតែសិក្សាប៉ុណ្ណោះ។ បើតាមលោក ផៃ ស៊ីផាន រដ្ឋាភិបាលបានបង្កើតគណៈកម្មការអន្តរក្រសួងមួយ ដើម្បីសិក្សាអំពីផលប៉ះពាល់ផ្នែកសេដ្ឋកិច្ច ច្បាប់ គោលការណ៍មនុស្សធម៌ និងកិច្ចសហប្រតិបត្តិការអន្តរជាតិ មុននឹងសម្រេចឆ្លើយតបទៅនឹងសំណើរបស់ប្រទេសអូស្ត្រាលី។