កាសែតផ្លូវការចិន៖ នាវាចម្បំាងអាមេរិកំាងកំពុងគំរាមកំហែងសន្តិសុខចិន
នៅថ្ងៃចន្ទ ទី១៦ ធ្នូនេះ សារព័ត៌មានផ្លូវការចិនបានផ្សាយឲ្យដឹងថា វត្តមាននាវាចម្បំាងអាមេរិកំាងនៅក្នុងសមុទ្រចិនខាងត្បូង ជាការគំរាមកំហែងដល់សន្តិសុខប្រទេសចិន។ ព័ត៌មានចេញផ្សាយដោយកាសែតផ្លូវការចិនពេលនេះបានកើតមានឡើង ក្រោយពីមាននាវាចម្បំាងអាមេរិក និងនាវាយោធាចិនហៀបនឹងបើកបុកគ្នានៅក្នុងសមុទ្រចិនខាងត្បូងកាលពីសប្តាហ៍កន្លងទៅ។
ចុះផ្សាយនៅថ្ងៃ៖ កែប្រែថ្ងៃទី៖
ស្តាប់ - ០២:១៤
គឺតាមរយៈកាសែតជាតិនិយមមួយឈ្មោះ Global Times ដែលបានបញ្ជាក់យ៉ាងច្បាស់ៗអំពីគ្រោះថ្នាក់ចំពោះប្រទេសចិនដែលបង្កឡើងដោយវត្តមាននាវាចម្បំាងអាមេរិកនៅក្នុងសមុទ្រចិនខាងត្បូង។ តាមពិតទៅ អ្វីៗបានកើតមានឡើងកាលពីថ្ងៃទី៥ ធ្នូកន្លងទៅដែលកាលណោះ មាននាវាចម្បំាងអាមេរិកមួយគ្រឿងបានបង្ខំចិត្តកាច់ចង្កូតពង្វាងកុំឲ្យទៅបុកនាវាយោធាចិនដែលបានបើកកាត់ចំពីមុខខ្លួន រួចស្រាប់តែឈប់ងក់មួយកន្លែងតែម្តង។ យោងតាមអ្នកទទួលខុសត្រូវក្រសួងការពារជាតិអាមេរិកឲ្យដឹងថា បើនាវាអាមេរិកមិនរហ័សរហួនកាត់ចង្កូតពង្វាងទេ នោះកាត់ប៉ះទង្គិចគ្នាជារឿងមួយមិនអាចចៀសផុត។
កាសែតផ្លូវការចិន Global Times ដដែលបានព្រមានថា ប្រសិនបើកងទាហានអាមេរិក និងនាវាចម្បំាងរបស់ពួកគេនៅតែបន្តមានវត្តមាននៅក្នុងសមុទ្រចិនរបៀបនេះជាបន្តទៀតនោះ ការប្រឈមមុខដាក់គ្នាតាមផ្លូវយោធានឹងកើតមានដោយចៀសមិនរួច។ ទន្ទឹមគ្នានេះ Global Times ថែមបានប្រៀនប្រដៅអាមេរិកថា គួរតែត្រូវចេះផ្តល់ព័ត៌មាន និងគោរពចិនខ្លះផង បើខ្លួនមិនឃើញការប្រទូស្រ្តាយជាមួយចិនខាងផ្លូវអាកាស និងផ្លូវទឹកទេនោះ។
រហូតមកដល់ពលនេះ គេនៅមិនទាន់ឃើញមានប្រតិកម្មជាផ្លូវការណាមួយពីរដ្ឋាភិបាលចិនចំពោះឧប្បត្តិហេតុខាងលើនោះទេ ហើយក៏នៅមិនទាន់មានភាគីណាមួយចេញមុខទួលស្គាល់ថា ជាកំហុសរបស់ខ្លួនដែរ។ គួររម្លឹកជូនថា គិតតំាងពីឆ្នំា ២០០៩ មក នេះជាព្រឹត្តិការណ៍ធ្ងន់ធ្ងរទីមួយរវាងចិន និងអាមេរិក។ ក្នុងឆ្នំា ២០០៩ មាននាវាផ្នែកឃ្លំាមើលរបស់អាមេរិកមួយគ្រឿងត្រូវបាននាវាយោធាចិនចំនួន ៥គ្រឿងឡោមព័ទ្ធនៅក្នុងតំបន់ដូចគ្នានោះ។
តាមរយៈព្រឹត្តិការណ៍ថ្មីនេះស បង្ហាញឲ្យឃើញយ៉ាងច្បាស់ក្រឡែតពីភាពតានតឹងជាប់ជាប្រចំារវាងទីក្រុងវ៉ាស៊ីនតោន និងទីក្រុងប៉េកំាង ពិសេស តំាងពីក្រោយចិនបានប្រកាសបង្កើតតំបន់ការពារដែនអាកាសជាឯកតោភាគីកាលពីថ្ងៃទី២៣ វិច្ឆិកា។ តំបន់ការពារដែនអាកាសដែលបានបញ្ឆេះកំហឹងរបស់ប្រទេសជិតខាងមួយចំនួន មានជប៉ុន និងកូរ៉េខាងត្បូងជាដើម។ សហរដ្ឋអាមេរិកធ្លាប់បានអំពាវនាវចិនឲ្យបោះបង់ចោលវិញនូវតំបន់ការពារដែនអាកាសនោះ។ ម្យ៉ាងទៀត អាមេរិក កូរ៉េខាងត្បូង និងជប៉ុនបាននំាគ្នាបញ្ជូននាវាច្បំាង ព្រមទំាងសារជាច្រើនប្រាប់ទៅរដ្ឋាភិបាលចិនថា ពួកគេបដិសេធមិនទទួលស្គាល់នូវតំបន់ការពារដែនអាកាសនោះ ព្រមទំាងមិនគោរពតាមបទបញ្ជារបស់រដ្ឋាភិបាលក្រុងប៉េកំាងទេ៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ