ចិនចាប់ខ្លួនអ្នកកាសែតរបស់ញូវយ៉កថែមស៍ ពីបទបង្កវិបត្តិសង្គម
អ្នកកាសែតចិន Du Bin ធ្វើការឱ្យ The New York Times បាត់ដំណឹងឈឹង គ្មានផ្តល់ព័ត៌មានអ្វីដល់គ្រួសារ អស់ពេលពីរសប្តាហ៍មកហើយ។ ជាអ្នកថតរូបអាជីព និងជាអ្នកផលិតសៀវភៅឯកសារស្តីពីជំរំការងារនៅចិន Du Bin ត្រូវប៉ូលិសចិន ចាប់ខ្លួន តាំងពីថ្ងៃទី ៣១ឧសភា ពោលគឺពីរបីថ្ងៃមុខខួបនៃការបង្ក្រាបចលនាបាតុកម្មនិស្សិតនៅទីលាន ធានអាន់មេន។
ចុះផ្សាយនៅថ្ងៃ៖
ស្តាប់ - ០១:៤៧
បើតាមដីកាផ្លូវការ ដែលប៉ូលិសទម្លាក់ទុកនៅផ្ទះ ឌូ បិន (Du Bin) ត្រូវបានចាប់ខ្លួន ពីបទបង្កវិបត្តិសណ្តាប់ធ្នាប់សាធារណៈ ប៉ុន្តែតាមការពិតទៅនោះ គឺស្នាដៃថ្មីរបស់ជាងថតរូបអាជីពទេ ដែលប៉ូលិសចិនចាប់អារម្មណ៍។ សៀវភៅ ខ្សែអាត់សម្លេង ត្រូវបានអឹមអូសយកអស់ពីផ្ទះ។ នេះបើតាម Du Jirong ជាបងស្រី នៅក្នុងបទសម្ភាសន៍ជាមួយទូរទស្សន៍BBC ដោយបញ្ជាក់ថានៅក្នុងដីកា ប៉ូលិសចិន មិនបានប្រាប់ពីកន្លែងឃុំឃាំង ឌូ បិនទេ។
ឌូ បិន ក្លាយជាសទិសប្រមាញ់នៃរបបកុម្មុយនិស្ត ទំនងដោយមូលហេតុពីរយ៉ាង។ ទីមួយ គឺការផលិតភាពយន្តឯកសារទាក់ទងនឹងជំរំលត់ដំស្ត្រី Masanjia នៅភាគឦសានប្រទេស ដែលអាចបង្ហោះផ្សព្វផ្សាយតាមបណ្តាញអ៊ីនធ័រនែត នៅក្រុងហុងកុង (ព្រោះគ្មានការត្រួតពិនិត្យដូចនៅចិនដីគោក) កាលពីដើមខែឧសភា។ តំណាងវិទ្យុបារាំងអន្តរជាតិ បានឃើញផ្ទាល់ ថាមានភ្នាក់ងារស៊ីវិលចិនតាមថត ឌូ បិន ជាប់។
មួយសប្តាហ៍មុនការបាត់ខ្លួន ឌូ បិន បានចេញផ្សាយសៀវភៅមួយ និយាយអំពី សោកនាដកម្មនៅទីលានធានអាន់មេន។ នេះបើតាមកាសែត New York Times។ ប៉ុន្តែសៀវភៅនេះគ្មានសំណាងបានចេញក្រៅទឹកដីចិនឡើយ ទោះបីជារោងពុម្ព Books មានការិយាល័យនៅប៉េកាំងផង និងនៅ New York ផងក៏ដោយ។ រូបថត អត្ថបទ ភាពយន្តឯកសារ របស់ ឌូ បិន មានអត្ថន័យរសើបខ្លាំងណាស់សំរាប់អាជ្ញាធរចិន ដូចជាអ្នកបះបោរនយោបាយម្នាក់។
ឌូ បិន ជាករណីថ្មីមួយបន្ថែម បញ្ជាក់អំពីនយោបាយសិទ្ធិមនុស្សរបស់រដ្ឋាភិបាលចិនថ្មី។ រដ្ឋាភិបាល ដែលសន្យាការប្តូរផ្លាស់។ បើគ្មាន Meng Jianzhu មេប៉ូលិសចិន ចេញមុខនិយាយប្រកាសបិទជំរំលំដំស្ត្រី នោះពិតជាគ្មាននរណា ហ៊ានប៉ះពាល់ប្រធានបទនេះទេ។ អ្នកខ្លាចដំបូងគេបំផុតគឺ ឌូបិន តែម្តង។ នេះជាបញ្ជាក់របស់ ឌូ បិន មកកាន់វិទ្យុបារាំងកាលពីខែឧសភា៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ