ជាង ២ ខែមកហើយ អតីតពលរដ្ឋរស់នៅសហគមន៍បុរីកីឡា ក្នុងទីក្រុងភ្នំពេញបានក្រាញននៀល បោះតង់ និងជ្រកក្រោមសំយ៉ាបផ្ទះ រស់នៅជិតកន្លែងដែលត្រូវបានគេបណ្តេញចេញ ទាំងបង្ខំ កាលពីថ្ងៃទី៣ ខែមករា។ អ្នករស់នៅបុរីកីឡាជាង ៣០០ គ្រួសារ ត្រូវបានក្រុមហ៊ុនផានអ៊ីមិច និងអាជ្ញាធរ បណ្តេញឲ្យទៅរស់នៅតំបន់ភ្នំបាត ក្នុងខេត្តកណ្តាល និងមួយចំនួនបញ្ជូនទៅរស់នៅទួលសំបូរ ក្បែរពន្ធធនាគារព្រៃស។ ក្រុមពលរដ្ឋបុរីកីឡាបានព្យាយាមស្នើសុំឲ្យមានការសាងសង់ផ្ទះល្វែងបន្ថែមចំនួន ២ អគារថែមទៀត នៅបុរីកីឡាដើម្បីផ្តល់ឲ្យអ្នកដែលត្រូវបណ្តេញចេញបានចូលរស់នៅ ដូចការសន្យាពីមុន៕
