ស្លាប់មនុស្ស១៦នាក់នៅក្នុងអំពើភេរវកម្មប្រឆាំងប៉ូលីស
នៅប្រទេសប៉ាគីស្ថាន យ៉ាងហោចមនុស្ស ១៦នាក់ត្រូវស្លាប់ក្នុងនោះប៉ូលិស៥នាក់ នៅក្នុងអំពើភេរវកម្មអត្តឃាតមួយដោយបំផ្ទុះគ្រាប់បែកប្រឆាំងទៅលើកន្លែងត្រួតពិនិត្យរបស់ប៉ូលីសមួយនៅថ្ងៃសុក្រនេះ ប៉ែកពាយ័ព្យប្រទេស។ តំបន់នោះ គឺជាទីជម្រករបស់ពួកឧទ្ទាមតាលីបង់និងក៏ជាទីលាក់ខ្លួនដ៏សំខាន់របស់បណ្តាញភេរវនិយមអាល់កៃដាដែរ-នេះបើយោងតាមតុល្យាការបស់អាជ្ញាធរប៉ាគីស្ថាន។
ចុះផ្សាយនៅថ្ងៃ៖
ស្តាប់ - ០២:១៥
អំពើភេរវកម្មនេះ ដែលបានប្រឆាំងទៅលើកន្លែងត្រួតពិនិត្យរបស់ប៉ូលិសមួយនៅ Khar ទីក្រុងនៃស្រុកកុលសម្ពន្ធ Bajau ជិតព្រំដែនប្រទេសអាហ្វហ្កានិស្ថាន-នេះជាការបញ្ជាក់របស់មន្ត្រីជាន់ខ្ពស់ម្នាក់នៅក្នុងតំបន់។
ក្នុងចំណោមជនរងគ្រោះស្លាប់ទាំង១៦នាក់ ៥នាក់ជាប៉ូលិស។ អត្តឃាតជន បានបំផ្ទុះគ្រាប់បែកដែលលាក់នៅក្នុងអាវធំរបស់ខ្លួននៅពេលធ្វើដំណើរទៅដល់កន្លែងប៉ុស្តិ៍ត្រួតពិនិត្យ។
អំពើភេរវកម្មនេះ ពុំទាន់ ត្រូវបានចលនាណាមួយប្រកាសថាជាស្នាដៃរបស់ខ្លួននៅឡើយទេ។ ក៏ប៉ុន្តែ ស្រុកកុលសម្ពន្ធ Bajau នេះ គឺជាទីជម្រកមួយក្នុងចំណោមជម្រកដទៃផ្សេងទៀតរបស់ចលនាពួកឧទ្ទាមតាលីបង់ប៉ាគីស្ថាន (TTP) និងក៏ជាជំរំលាក់ខ្លួន របស់ក្រុមសម្ព័ន្ធមិត្តបរទេសគឺពួកយុទ្ធជន d'Al-Qaïda ដែរ។
សូមបញ្ចាក់ថា ពួក TTP ជាក្រុមឧទ្ទាមអ៊ីស្លាមនិយមជ្រុល តាលីបង់ប៉ាគីស្ថានដ៏ចំបង។ ក្នុងអំឡុងពេល ៥ឆ្នាំចុងក្រោយនេះ ពួកឧទ្ទាម TTP បានបង្កភេរវកម្មប្រមាណ ជាង៥៣០លើក ដែល ភាគច្រើន ជាភេរវកម្មអត្តឃាត ដោយ បានសម្លាប់ជីវិតជនប្រមាណ៥០០០នាក់នៅទូទាំងប្រទេសប៉ាគីស្ថាន។
កាលពីរដូវក្តៅ ឆ្នាំ២០០៧ ពួកឧទ្ទាមតាលីបង់ប៉ាគីស្ថាន (TTP),ដោយបានចងសម្ពន្ធភាពជាមួយ Oussama ben Laden ផ្ទាល់ បានប្រកាសធ្វើសង្គ្រាមសាសនាជាមួយជាទីក្រុង Islamabad ដោយហេតុតែ ទីក្រុង Islamabad បានគាំទ្រសហរដ្ឋអាមេរិក នៅក្នុងសង្រ្គាមប្រឆាំងភេរវនិយម ចាប់តាំងពី ចុងឆ្នាំ២០០១។
រីឯ បិនឡាដិនមេបណ្តាញភេរវនិយមអាល់កៃដាវិញ ត្រូវបានកងកម្មង់ដូពិសេសអាមេរិកាំងបាញ់សម្លាប់កាលពី១ឆ្នាំកន្លងមកហើយនៅក្រុង Abbottabad ។
អំពើភេរវកម្មអត្តឃាត នៅក្រុង Khar នៃស្រុកកុលសម្ពន្ធ Bajau បានប្រព្រឹត្តទៅនៅពេលដែលប៉ាគីស្ថាន កំពុងដាក់ប្រទេសខ្លួននៅក្នុងភាពអាសន្ន ដោយមូលហេតុ គំរប់ខួបមួយឆ្នាំនៃការស្លាប់របស់បិនឡាដិន ជាពិសេស ពួកឧទ្ទាមតាលីបង់ប៉ាគីស្ថាន TTP និង Al-Qaïda បានសន្យាថានឹងធ្វើការវាយប្រហារ ដើម្បីសងសឹកជួស ឲ្យ បិនឡាដិន៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ