តាលីបង់ប្រកាសថាខ្លួនជាអ្នកបង្កភេវរកម្ម
នៅប៉ាគីស្ថានក្រុមភេវរករតាលីបង់បានប្រកាស“នៅថ្ងៃព្រហស្បត្តិ៍ម្សិលមិញថាពួកគេជាអ្នកបង្កអំពើភេវរកម្មភាគច្រើននៅក្នុងប្រទេស។អំពើភេវរកម្ម ដែលបង្កអោយមានមនុស្សប្រមាណជា៣៧នាក់និងរបួសជាង១០នាក់។
ចុះផ្សាយនៅថ្ងៃ៖
ស្តាប់ - ០១:២៧
“យើងជាអ្នកបង្កនូវរាល់ការវាយប្រហារទាំងអស់នេះលើកលែងតែការវាយប្រហារនៅកេតា ”។នេះជាសំដីរបស់អ្នកនាំពាក្យចលនាតាលីបង់នៅប៉ាគីស្ថាន។ តាំងពីថ្ងែពុធកន្លងមកប្រទេសប៉ាគីស្ថានបានទទួលរងនូវអំពើភេវរកម្មជាច្រើនដែលបង្កអោយមានមនុស្សស្លាប់ប្រហែល៣៧នាក់និងរបួសជាង១០នាក់។
ប៉ូលីសបានអោយដឹងថាកាលពីយប់ថ្ងៃពុធរហូតដល់ព្រឹកថ្ងៃព្រហស្បត្តិ៍ភេវរជនអត្តឃាតមួយរូបបានធ្វើអោយផ្ទុះគ្រាប់បែកក្នុងក្បួនដង្ហែអ្នកកាន់សាសនាអ៊ីស្លាមនិកាយស៊ីអីតមួយនៅក្រុងរ៉ាវ៉ាល់ពិនឌី ជិតអ៊ីស្លាម៉ាបាត។ ក្រុមចលនាតាលីបង់នៅប៉ាគីស្ថានគីជាក្រុមដែលស្ថិតក្រោមឱវាទរបស់អាល់កៃដា។តាំងពីរដូវក្តៅឆ្នាំ២០០៧មក ក្រុមនេះបានបង្កនូវរាល់អំពើហឹង្សានៅប៉ាគីស្ថានបណ្តាលអោយមានមនុស្សបាត់បង់ជីវិតជាង៥០០០នាក់។
អំពើភេវរកម្មនេះបានកើតមានឡើងនៅពេលដែលប៉ាគីស្ថានរៀបចំជំនួបកំពួលអន្តរជាតិមួយដែលមានប្រទេសកាន់សាសនាអ៊ីស្លាមសំខាន់ៗចំនួន៨ចូលរួម។ ក្នុងជំនួបកំពួលនេះ គេក៏ឃើញមានវត្តមានរបស់ប្រធានាធិបតីអ៊ីរ៉ង់លោកអាម៉ាឌីនេចាត ផងដែរ។
ជំនួបប្រជុំនេះទើបតែបានបញ្ចប់កាលពីថ្ងៃព្រហស្បត្តិ៍ម្សិលមិញនេះដែលប្រទេសទាំង៨មានឥណ្ឌូនេស៊ី ម៉ាឡេស៊ី បង់ក្លាដេស ប៉ាគីស្ថាន អ៊ីរ៉ង់ ទួរគី អេហ្ស៊ីប និងនីហ្សេរីយ៉ា បានចុះហត្ថលេខាលើកិច្ចព្រមព្រៀងសហប្រតិបត្តិការគ្នាដើម្បីពង្រឹងវិស័យសេដ្ឋកិច្ច៕
ព្រឹត្តិបត្រព័ត៌មានព្រឹត្តិបត្រព័ត៌មានប្រចាំថ្ងៃនឹងអាចឲ្យលោកអ្នកទទួលបាននូវព័ត៌មានសំខាន់ៗប្រចាំថ្ងៃក្នុងអ៊ីមែលរបស់លោកអ្នកផ្ទាល់៖
ចុះឈ្មោះ